मजुराचे दिड लाखचे नुकसान
वरूड (नेत) येथील घटना
सुरेश पाचभाई मारेगाव
शेतामध्ये पडसाच्या झाडाखाली उभ्या असलेल्या 22 नग बकऱ्यावर वीज कोसळली. यात 2 बोकड आणि 20 बकऱ्यांचा जागीच मृत्यू झाला. सदर घटना मारेगाव तालुक्यातील वरूड (नेत) शेत शिवारात घडली. यात मजुराचे अंदाजे दीड लाखांचे नुकसान झाले असून त्यांच्यावर मोठे आर्थिक संकट कोसळलेले आहे.
वरुड (नेत) येथील भारत तुकाराम गेडाम यांच्याकडे शेती नसल्याने ते बकऱ्या चारून आपल्या कुटुंबाचा उदरनिर्वाह करतात त्यांनी आज दिनांक 18 मे 2025 रोज रविवारला दुपारी 3 वाजता आपल्या बकऱ्या गावातीलच एका शेतकऱ्याच्या शेतात चारायला नेल्या होत्या सायंकाळी 5 वाजताच्या सुमारास अचानक आकाशात ढग दाटून आले.
आणि वादळ, वारा आणि विजांच्या कडकडाटाला सुरुवात झाली.पाऊसही लागला.त्यामुळे शेतातील बकऱ्यांनी घराचा रस्ता धरला.परंतु 2 बोकड आणि 20 बकऱ्या ह्या शेतामध्ये असलेल्या पडसाच्या झाडाखाली उभ्या राहील्या.अशातच वीज चमकली आणि पडसाच्या झाडाखाली उभ्या असलेल्या या बकऱ्यावर पडली.यात 22 बकऱ्याचा जागीच मृत्यू झाला. सुदैवाने बकऱ्या चालणारे थोडे जखमी झाले असून त्यांना मारेगाव येथील ग्रामीण रुग्णालयात उपचारासाठी दाखल करण्यात आले आहे.अचानक घडलेल्या या घटनेने मजुरावर मोठे आर्थिक डोंगर कोसळले असून शासनाकडून मोठया मदतीची अपेक्षा आहे.