नवरगाव आणि सगणापूर संस्थेतर्फे करण्यात आले वाटप
सुरेश पाचभाई मारेगाव
नवरगाव आणि सगणापूर येथील विविध कार्यकारी संस्थेचे कार्यालयात आज दिनांक 20 मे 2025 रोज मंगळवारला संस्थेच्या सभासदाना चालू वर्षा करिता खरीप पीक कर्जवाटपाचा शुभारंभ यवतमाळ जिल्हा मध्यवर्ती सहकारी बँक चे उपाध्यक्ष संजयभाऊ देरकर यांचे हस्ते करण्यात आले.
विविध का.सह.संस्था नवरगाव आणि आदिवासी सहकारी संस्था सगणापूर येथील 262 सभासदांना 2 कोटी 21 लाख 96 हजार रुपये, कर्जाचे वाटप करण्यात आले. नवरगाव आणि आदिवासी सहकारी संस्था सगणापूर कार्य क्षेत्रातील शेतकरी सभासदांना या वर्षी सुरू होणाऱ्या खरीप पीक हंगामात बी बियाणे,खते आदी शेतीपयोगी साहित्य शेतकरी सभासदांना खरेदी करता यावे.
त्यांची गैरसोय होऊ नये या दृष्टीने साधारणतः मे महिन्याला कर्ज वाटप करण्याचा प्रयत्न असतो. यावेळी नवरगाव सोसायटीचे अध्यक्ष संदीप आस्वले, उपाध्यक्ष विजय बोबडे, महादेव खंडरे,गुलाबराव कावडे ,चंद्रभान मडावी,युवराज आस्वले, सगणापूर सोसायटीचे अध्यक्ष हनुमान तोडासे,संतोष मडावी,युवराज घोसले, प्रवीण राऊत,विनोद घोसले,हंसराज झाडे
पेंढरी सोसायटीचे दादाराव टेकाम,निरीक्षक पाचभाई साहेब,व्यवस्थापक येरमे साहेब.मिलिंद काकडे रोखपाल, प्रफुल सोनुले,संकेत मस्की सेक्रेटरी जंगेवार साहेब,मारोती सोनुले कर्मचारी तसेच सर्व संचालक उपस्थित होते.तसेच सर्व नवरगाव,हिवरी,सगणापूर, म्हैसडोडका,अर्जुनी, रायपूर केगांव येथील कर्जदार सभासद हजर होते.