राज्य महामार्गावरील निंबाळा फाट्याजवळील उतारा मध्ये भिषण अपघात.
तालुका प्रतिनिधी:- वणी.
सविस्तर वृत्त असे की.
वणी:- तालुक्यातील वणी- यवतमाळ राज्य महामार्गावर निंबाळा फाट्याजवळील उतारा मध्ये काल दिनांक 30 जुलै 2022 रोज शनिवारला रात्री 9:30 वाजताच्या सुमारास रोडच्या बाजुला उभा असलेल्या ट्रक [ HM.18.AZ.6090 ] या क्रमांकाच्या ट्रक वर हुंडाई सेंन्ट्रो कारची मागुन भिषण धडक झाली या अपघातात अमोल देठे वय सुमारे [35] वर्ष रा. छोरीया ले आऊट वणी असे मृतक युवकाचे नाव आहे.
तर कार चालक आकाश बापुजी लालसरे रा. छोरीया ले आऊट वणी हे गंभीर जखमी झाले आहे.आकाश याला पुढील उपचाराकरिता चंद्रपूर येथे हलविण्यात आले आहे. व कार मध्ये मागे बसलेले तेजस मडावी हा किरकोळ जखमी झाला असुन त्याचेवर खाजगी रुग्णालयात उपचार झाल्या नंतर सुट्टी देण्यात आली आहे. अशी माहिती सूत्राकडून प्राप्त झाली आहे.
हि घटना काल दिनांक 30 जुलै 2022 रोज शनिवारला रात्री 9:30 वाजताच्या सुमारास घडली आहे. प्राप्त माहिती नुसार आकाश व दोन मित्र MH.29.N.9331 या हुंडाई सँट्रो कंपनीच्या कारने मित्रासह मारेगाव येथुन घरी वणी येथे जात असताना निंबाळाफाट्या पासुन जवळच असलेल्या उतारामध्ये हा अपघात झाला आहे. या घटनेची माहिती वणी पोलीसांना मिळताच पोलीस घटनस्थळी दाखल झाले होते. पुढील तपास वणी पोलीस करत आहे..