30,000 रु. चा मुददेमाल हस्तगत.
मारेगाव पोलिसांची धडाकेबाज कारवाई.
विदर्भ एस पि न्युज नेटवर्क: मारेगांव,
मारेगाव तालुक्यातील भालेवाडी रोपवन क्षेत्रातील रोपांना संरक्षण करण्याकरिता आणलेल्या पोलांमधून 50 लोखंडी पोल चोरी गेले होते. या प्रकरणी मारेगाव पोलीस ठाण्यात तक्रार दाखल केली गेली होती.पोलिसांनी तपासाची चक्रे फिरवीत आज दि.20 जुलैला दोन संशायित आरोपीना अटक केली असून आणखी काही मोहरे पोलिसांच्या रडारवर आहे.
तालुक्यातील भालेवाडी रोपवन वाटीकेच्या लोखंडी पोल आणि तारेचे संरक्षणाचे काम पांढरकवडा येथील ठेकेदार रोहित लक्ष्मण बोलेनवार यांना टेंडरद्वारे मिळाले होते.त्यासाठी त्यांनी 10 जुलैला 900 लोंखडी (ms )अँगलचे पोल आणले.आणि मजुरांकरवी गाडले. सदर गाडलेल्या पोलची पाहणी करने करिता ठेकेदार आणि त्यांचे मजूर हे दि.19 जुलैला रात्रीचे सुमारास गेले असता त्यांना त्यातील गाडून ठेवलेले 50 लोखंडी पोल (किंमत अंदाजे 30 हजार रुपये) आढळून आले नाही.
सदर चोरी गेलेले पोल त्यांनी सगळीकडे शोधले असता मिळून न आल्याने अखेर ठेकेदाराने मारेगाव पोलीस ठाणे गाठत तक्रार दाखल केली.सदर गुन्हयातील फरार संशायित आरोपी व मुददेमाल शोधकरीता तात्काळ पो.स्टे.चे पथक तयार करुन नमुद गुन्हयातील संशायित आरोपी 1) हुसेन सदानंद आडे वय 24 वर्ष रा. बोदाड ता. मारेगाव 2) शाम महादेव गाताडे वय 29 वर्ष रा. सालेभटटी ता. मारेगांव यांना पाथरी शिवारातुन मुददेमालासह ताब्यात घेण्यात आले.
सदर संशायित आरोपीनी गुन्हा कबुल केला असून त्यांचेकडून एम.एस.अँगल पोल 50 अंदाजे 30,000 रु.हस्तगत करण्यात आला आहे.सदर गुन्हयात पुन्हा कोणाचा सहभाग आहे याबाबत पुढील तपास पोलीस करीत आहे.त्या अनुषंगाने तपास सुरु आहे.सदर संशायित आरोपीवर कलम 379,34 नुसार गुन्हा दाखल केला
असुन सदर गुन्हयाचा तपास मा.डॉ.पवन बन्सोड पोलीस अधिक्षक यवतमाळ,पुयुष जगताप अपर पोलीस अधिक्षक यवतमाळ,गणेश किंद्रे उपविभागीय पोलीस अधिकारी वणी, पो.नि.आधारसिंग सोनवणे स्थागुशा यवतमाळ यांचे मार्गदर्शनाखाली सपोनि.जर्नाधन खंडेराव ठाणेदार मारेगांव, पोहेकॉ.आनंद अलचेवार,नापोकॉ.अजय वाभीटकर नापोकॉ. रजनीकांत पाटील,नपोकॉ अफजल पठाण,नपोकॉ राजू टेकाम,चासफो प्रमोद जिडडेवार,पोकॉ.विकास खंडारे व चापोकॉ.अतुल सरोदे हे करीत आहे.