सुरेश पाचभाई मारेगाव,
मारेगाव तालुक्यात आत्महत्या रोखण्यासाठी प्रशासना कडून ठोस उपाय योजना केल्या जात नाही.तालुक्यात आत्महत्या थांबण्याचे नाव घेत नाही.वेगाव येथील एका 44 वर्षीय व्यक्तिने निंबाच्या झाडाला दोराच्या सहाय्याने गळफास घेऊन आत्महत्या केल्याची घटना आज दिनांक 23 जुलै 2024 रोज मंगळवारला सकाळी 10 वाजताच्या सुमारास घटना उघडकीस आली.
सविस्तर वृत्त असे की..
रमेश सुर्यभान बोकडे वय सुमारे 44 वर्ष रा.वेगाव ता.मारेगाव असे गळफास घेऊन आत्महत्या केलेल्या व्यक्तीचे नाव असुन त्याच्या कडे 3 एकर शेती असल्याची माहिती आहे.तो शेती करुन आपल्या कुटुंबाचा उदरनिर्वाह करायचा.बातमी लीहिपर्यंत आत्महत्येचे नेमके कारण कळू शकले नाही.
रमेश हे आज सकाळी 7:30 वाजता घरी शेतात फवारणीसाठी जातो असे सांगून ते वेगाव ते बोर्डा मार्गावरील स्वतःच्या शेतात गेले.शेतात गेल्यानंतर त्यांनी मोठ्या भावच्या शेतातील निंबाच्या झाडाला दोराच्या सहाय्याने गळफास घेवून आत्महत्या केली. ही बाब कुटुंबियांच्या निदर्शनास आल्यानंतर त्यांनी या घटनेची माहिती लगेच मारेगाव पोलिसांना दिली.माहिती मिळताच पोलीस घटनास्थळी दाखल झाले.
पंचनामा करुन शव उत्तरीय तपासणी साठी मारेगाव येथील ग्रामीण रुग्णालयात हलविण्यात आले आहे.मृतक शेतकरी रमेश यांचे पश्चात आई,पत्नी,एक मुलगा,एक मुलगी असा आप्त परिवार आहे.या प्रकरणाचा पुढील तपास ठाणेदार शंकर पांचाळ यांचे मार्गर्शनाखाली जमदार अफजल पठाण करीत आहे.