बातमी ऐका (Marathi Voice Reader)
“प्रौढ प्रताप पुरंदर, क्षत्रिय कुलावतंस, सिंहासनाधिश्वर, महाराजधिराज योगीराज श्रीमंत छत्रपती शिवाजी महाराज की जय…” च्या जयघोषात आज किल्ले रायगडावर तिथीनुसार शिवराज्याभिषेक सोहळा अत्यंत उत्साहात साजरा केला जात आहे. या ऐतिहासिक सोहळ्याला उपमुख्यमंत्री एकनाथ शिंदे यांनी उपस्थिती लावली असून, त्यांनी छत्रपती शिवाजी महाराजांच्या चरणी मानाचा मुजरा केला. दोन दिवसांचा ऐतिहासिक सोहळा शिवराज्याभिषेक दिनोत्सव उत्सव समिती आणि विविध शिवभक्त संघटनांच्या वतीने गडावर या दोन दिवसीय सोहळ्याचे आयोजन करण्यात आले आहे. शुक्रवारी दुपारपासूनच या सोहळ्याला सुरुवात झाली असून, गड आणि परिसर भगव्या पताकांनी आणि शिवकालीन वाद्यांच्या गजराने दुमदुमून गेला आहे. राज्यभरातून शिवभक्त रायगडावर
या सोहळ्याचे साक्षीदार होण्यासाठी केवळ महाराष्ट्रच नव्हे, तर देशभरातून हजारो शिवभक्त आणि शिवप्रेमी शुक्रवारी रात्रीपासूनच पायथ्याशी आणि गडावर दाखल झाले आहेत. शिवभक्तांमध्ये मोठा उत्साह पाहायला मिळत असून गडावर विविध पारंपरिक आणि सांस्कृतिक कार्यक्रमांचे आयोजन करण्यात आले आहे. नागपुरात छत्रपती शिवाजी महाराजांच्या ३५३ व्या शिवराज्याभिषेक दिनाचा उत्साहात जल्लोष
छत्रपती शिवाजी महाराजांच्या ३५३ व्या शिवराज्याभिषेक दिनानिमित्त नागपुरात विविध ठिकाणी उत्साहात कार्यक्रमांचे आयोजन करण्यात आले आहे. शिवभक्तांनी पारंपरिक पद्धतीने शिवराज्याभिषेक सोहळा साजरा करत महाराजांना अभिवादन केले. यावेळी मिरवणुका, सांस्कृतिक कार्यक्रम आणि शिववंदनेचे आयोजन करण्यात आले असून, संपूर्ण परिसर शिवमय वातावरणाने दुमदुमून गेला आहे. खासदार फुटल्यानंतर उद्धव ठाकरे मैदानात:यवतमाळातून आज विदर्भ दौऱ्याची सुरुवात; बंडखोरांना काय उत्तर देणार? राज्याचे लक्ष ठाकरे गटाचे 6 खासदार फुटल्यानंतर पक्षप्रमुख उद्धव ठाकरे आज थेट मैदानात उतरले आहेत. बंडखोर खासदारांच्या मतदारसंघात आजपासून उद्धव ठाकरेंच्या तोफ धडाडणार असून, त्यांच्या विदर्भ दौऱ्याची पहिली जाहीर सभा आज सकाळी १० वाजता यवतमाळच्या कृषी उत्पन्न बाजार समितीच्या मैदानावर होत आहे. या सभेकडे संपूर्ण राज्याचे लक्ष लागले आहे. सविस्तर वाचा
