कृषि विभागाचे आवाहन
सुरेश पाचभाई मारेगाव
मारेगाव: तालुक्यातील वाढत्या सुविधा सिंचन सुविधा पाहता शेतकऱ्यांनी आपल्या शेतात फळबाग लागवड करून शाश्वत उत्पन्नाकरिता फळबागांची लागवड करावी असे आवाहन तालुका कृषि अधिकारी दिपाली खवले यांनी केले आहे.
तालुका कृषि अधिकारी कार्यालय मारेगाव मार्फत शंभर टक्के अनुदानावर आंबा, मोसंबी, संत्रा, पेरू, सीताफळ, फणस, चिकू ,लिंबू व इतरही फळपिके लागवड करता येईल.आजच्या शेतीमधील मजुरांची समस्या पाहता शेतीमध्ये शाश्वत उत्पन्नाच्या सोयी निर्माण करणे गरजेचे त्याकरिता फळबाग लागवडीशिवाय पर्याय नाही.
लागवडीकरीता कृषि विभाग मार्गदर्शन करीत असून शंभर टक्के अनुदानावर फळबाग लागवडीचा लाभ घ्यावा असे मत मंडळ कृषि अधिकारी किशोर डोंगरकार यांनी व्यक्त केले.
तरी शेतकऱ्यांनी विविध योजनेअंतर्गत अनुदानावर फळबाग लागवडीचा लाभ घेण्याकरिता आपल्या गावचे सहायक कृषि अधिकारी, उपकृषि अधिकारी, मंडळ कृषि अधिकारी यांचेशी किंवा तालुका कृषि कार्यालयात संपर्क करावा असे आवाहन कृषि विभागाद्वारे करण्यात आले आहे.
