चंद्रपूर येथील शासकीय महाविद्यालयात मिळाला MBBS ला प्रवेश
गावकऱ्यांचे वतीने भव्य सत्कार
सुरेश पाचभाई मारेगाव,
गरीब घराण्यात वाढलेल्या आणि सर्वसाधारण परिस्थितीमध्ये जीवन जगलेल्या एका मुलीने आपल्या कठोर परिश्रम आणि जिद्दीच्या बळावर नीट परीक्षेमध्ये यश मिळवून चंद्रपूर येथील वैद्यकीय महाविद्यालयामध्ये MBBS ला प्रवेश मिळाला.त्याबद्दल गावकऱ्यांचे वतीने तिचा सत्कार करण्यात आला. काल दि. 4 सप्टेंबर 2024 ला हा सत्कार सोहळा आयोजित करण्यात आला होता.
सत्कार करण्यात आलेल्या मुलीचे नाव काजल रमेश काळे असे आहे.यावेळी घेण्यात आलेल्या कार्यक्रमाचे अध्यक्षस्थानी किशोर ताटकोंडावार,प्रमुख अतिथी म्हणून गजानन खोले,संजय सूर,विठ्ठल कळसकर,गजानन आसूटकर,बंडू मिलमिले,हुकेश नांदे,योगेश्वरजी कापसे उपस्थित होते.
यावेळी काजलचे आईवडील विमल काळे आणि रमेश काळे यांचाही शाल आणि श्रीफळ देऊन सत्कार करण्यात आला.वेगाव येथील MBBS ला प्रवेश मिळालेली काजल ही प्रथम मुलगी असून तीला तिच्या पुढील यशासाठी मान्यवरांनी शुभेच्छा दिल्या.कार्यक्रमाचे सूत्रसंचालन योगेश कापसे यांनी तर आभार प्रदर्शन गजानन खोले यांनी मानले.
