तालुक्यातील खापरी येथे पहिल्यांदाच ड्रोन द्वारे फवारणी
शेतकरी अनिल महाकुलकर यांचे शेतात केला पहिला प्रयोग
सुरेश पाचभाई मारेगाव,
तालुक्यातील छोटेसे गाव असलेल्या खापरी येथील शेतकरी अनिल स्वानंद महाकुलकर यांचे शेतामध्ये काल दिनांक 1 ऑक्टोबर 2024 रोज मंगळवारला सकाळी अकरा वाजता ड्रोन द्वारे फवारणी करण्यात आली.
नॅनो टेक्नॉलॉजीचा वापर वाढावा तसेच पर्यावरणास हानिकारक रासायनिक खतांचा वापर कमी करणे हा ड्रोन द्वारे फवारणीचा उद्देश आहे. तसेच तालुक्यात होणाऱ्या फवारणी मधून विषबाधा रोखण्यासाठी अगदी 7 ते 10 मिनिटामध्ये 10 लिटर पाणी मध्ये एक एकर फवरणी करण्याची क्षमता आहे. त्याचबरोबर शेतकऱ्याच्या वेळेची ,पाण्याची आणि पैशाची बचत होत आहे.
फवारणी करतेवेळी गावातील व परिसरातील शेतकरी मोठ्या संख्येने बघण्यासाठी उपस्थित होते. ड्रोन हे शेतकऱ्यांसाठी अगदी कमी वेळात व कमी खर्चामध्ये कपाशी व इतर पिकावर फवारणी करण्यासाठी उपयुक्त असून सोया गोल्ड शेतकरी उत्पादक कंपनीमार्फत इफको कंपनीकडून हा उपक्रम राबविण्यात येत आहे. 300 रुपये एकर प्रमाणे फवारणी चार्ज घेतल्या जात आहे. नॅनो युरिया किंवा नॅनो डीएपी फवारणी करणे आवश्यक व अवघ्या काही वेळात एक एकर फवारणी होत असल्याने शेतकऱ्यांमध्ये आनंदाचे वातावरण दिसून येत आहे.
आधुनिक तंत्रज्ञानाचा काल खापरी येथे ड्रोन द्वारे फवारणी करण्याचा पहिल्यांदाच शेतकऱ्यांना प्रॅक्टिकल डेमो बघायला मिळाला आहे.त्यामुळे आजूबाचे शेतकरी व बुरांडा येथील शेतकऱ्यांनी बघण्यासाठी एकच गर्दी केली होती. यावेळी सोया गोल्ड कंपनीकडून नमो ड्रोन पायलट शामल राऊत, विकास सोनटक्के हजर होते.शेतकऱ्यांमध्ये गुलाब काळे, भारत वासेकर, शत्रुघ्न आत्राम, अनिल महाकुलकर, ऋषी मोहितकर यांचे सह अनेक शेतकरी उपस्थित होते.
