सुरेश पाचभाई मारेगाव,
आजाराला कंटाळून जाऊन एका व्यक्तीने आत्महत्या केल्याची घटना तालुक्यातील म्हैसदोडका येथे घडली.आत्महत्या केलेल्या व्यक्तीचे नाव शंकर तुकाराम मिलमिले वय 48 वर्ष रा.म्हैसदोडका असे आहे.
तो आपल्या एका मुलासोबत म्हैसदोडका येथे राहत होता गेल्या तीन वर्षांपासून तो आजारी होता आजाराला कंटाळून शंकर यांनी आज दिनांक 4 सप्टेंबर 2024 रोज बुधवारला 12 वाजताच्या सुमारास स्वतःच्या घरात गळफास घेऊन आत्महत्या केल्याची घटना उघडकीस आली.
शंकर मिलमिले याला दोन मुले होती पण त्यातील एका मुलाचा काही वर्षांपूर्वी मृत्यू झाला होता तसेच दुसरा मुलगा हा त्याचेसोबत राहत असून एक विवाहित मुलगी सुद्धा आहे. शंकरच्या आत्महत्येने गावात हळहळ व्यक्त केल्या जात आहे.
सदर घटनेची माहिती मारेगाव पोलिसांना मिळतात पोलीस लगेच घटनास्थळी दाखल झाले.घटनास्थळ पंचनामा करून त्यांचा मृतदेह ग्रामीण रुग्णालय मारेगाव येथे उत्तरीय तपासणीसाठी पाठवण्यात आला असून या घटनेचा पुढील तपास ठाणेदार शंकर पांचाळ यांचे मार्गदर्शनात पोहेका दिगंबर कनाके करीत आहे.
