बातमी ऐका (Marathi Voice Reader)
लॉर्ड्स कसोटीच्या तिसऱ्या दिवशी इंग्लंड मजबूत स्थितीत पोहोचला आहे. पावसामुळे दिवसाचा खेळ संपेपर्यंत न्यूझीलंडने दुसऱ्या डावात 5 गडी गमावून 55 धावा केल्या आहेत. त्यांना विजयासाठी आणखी 199 धावा करायच्या आहेत. इंग्लंडला विजयासाठी 5 विकेट्सची गरज आहे. डेव्हॉन कॉन्वे 19 आणि टॉम ब्लंडेल 2 धावांवर नाबाद परतले. न्यूझीलंडचे 5 गडी बाद झाले 254 धावांच्या लक्ष्याचा पाठलाग करताना न्यूझीलंडचा दुसरा डाव गडगडला. कर्णधार टॉम लॅथम खाते न उघडताच बाद झाला, तर केन विल्यमसन 18 धावा करून पॅव्हेलियनमध्ये परतला. रचिन रवींद्र (8) आणि डॅरिल मिचेल (0) यांनाही मोठी खेळी करता आली नाही. दिवसाच्या खेळात इंग्लंडच्या गोलंदाजांनी सतत दबाव कायम ठेवला. गस ॲटकिन्सन आणि ओली रॉबिन्सनने प्रत्येकी 2 बळी घेतले, तर जोश टंगला 1 यश मिळाले. इंग्लंडने 254 धावांचे लक्ष्य दिले इंग्लंडचा दुसरा डाव 226 धावांवर संपुष्टात आला. पहिल्या डावातील 27 धावांच्या आघाडीच्या जोरावर यजमान संघाने न्यूझीलंडसमोर 254 धावांचे लक्ष्य ठेवले. इंग्लंडसाठी एमिलियो गेने सर्वाधिक 57 धावा केल्या. जेमी स्मिथने 39 आणि ओली रॉबिन्सनने 29 धावांची खेळी केली. न्यूझीलंडकडून नॅथन स्मिथने 70 धावांत 6 बळी घेतले. विलियम ओ’ रूकने 2, तर काईल जेमीसन आणि मॅट हेन्रीने प्रत्येकी 1 बळी घेतला. इंग्लंडने पहिल्या डावात 140 धावा केल्या पहिल्या कसोटीच्या पहिल्या दिवशी न्यूझीलंडने नाणेफेक जिंकून गोलंदाजी निवडली. इंग्लंडचा पहिला डाव 140 धावांवर आटोपला. हॅरी ब्रूकने 71 चेंडूत 56 धावा केल्या. न्यूझीलंडकडून काईल जेमीसनने 5 आणि नॅथन स्मिथने 3 बळी घेतले. प्रत्युत्तरादाखल न्यूझीलंडचा पहिला डाव अवघ्या 113 धावांत आटोपला. संघाने 12 धावांत आपले चार गडी गमावले होते. ग्लेन फिलिप्सने 34 आणि काइल जेमीसनने नाबाद 38 धावा केल्या. इंग्लंडकडून ऑली रॉबिन्सनने 5 बळी घेतले, तर जोश टंगने 3 आणि गस ॲटकिन्सनने 2 बळी घेतले.
