बातमी ऐका (Marathi Voice Reader)
Anaya Bangar Cricket : माजी भारतीय क्रिकेटपटू आणि प्रशिक्षक संजय बांगर यांची मुलगी अनाया बांगर हिच्यासाठी ऑस्ट्रेलियामधून गुड न्यूज समोर आली आहे. अनाया बांगरला ऑस्ट्रेलियामधील बिग बॅश लीगमध्ये खेळण्याची संधी मिळाली आहे. क्रिकेट ऑस्ट्रेलियाने एका अटीसह ग्रीन सिग्नल दिल्याने क्रिडाविश्वात चर्चेला उधाण आलं आहे. पत्रकार परिषद घेत अनायाने सर्वांना याबाबत माहिती दिली होती. अशातच आता ऑस्ट्रेलियात खेळण्याची संधी मिळाल्यानंतर आता अनायाने बीसीसीआयवर नाराजी व्यक्त केली आहे.
बीसीसीआयशी पहिल्यांदा संपर्क साधला तेव्हा…
अनाया बांगर हिने 2022 मध्ये जेंडर ट्रान्सिशन प्रक्रिया सुरू केली होती. त्यानंतर तिला इंडिया वुमेन्स टीमसाठी क्रिकेट खेळायचं होतं. 25 वर्षांची अनाया हिने भारतीय महिला क्रिकेट संघात प्रवेश करण्यासाठी बीसीसीआयशी संपर्क साधला होता. परंतु बोर्डाकडून कोणताही प्रतिसाद मिळाला नसल्यानं तिने निराशा व्यक्त केली आहे. ‘वुमेन्स टीमचा भाग होण्यासाठी मी मदतीकरिता बीसीसीआयशी पहिल्यांदा संपर्क साधला, तेव्हा मला कोणतीही प्रतिक्रिया मिळाली नाही, ज्यामुळे मला खूप दुःख झालं’, असं अनाया बांगर म्हणाली.
VIDEO | Delhi: Trans-athlete Anaya Bangar, a left-arm spin-bowling all-rounder and daughter of former India player and decorated coach Sanjay Bangar, says she was heartbroken after being ‘served with silence’ by the BCCI when she first approached the Board for assistance in… pic.twitter.com/kRh8lqwX7I
— Press Trust of India (@PTI_News) August 28, 2026
मला आशा आहे की बीसीसीआय…
"मला कोणताही प्रतिसाद न मिळणं अत्यंत निराशाजनक आणि हृदयद्रावक होतं. लिंगबदलाच्या प्रक्रियेमुळे मला क्रिकेटपासून दूर जावे लागेल, याची मला कल्पना होती. मला आशा आहे की बीसीसीआय या गोष्टीचा सकारात्मक विचार करेल आणि या विषयाशी संबंधित धोरणे तयार करण्याचा प्रयत्न करेल, कारण भारतात अशा प्रकारचे हे पहिलेच प्रकरण आहे, असंही अनाया बांगर म्हणाली आहे.
मुलाची मुलगी झालेली अनन्या बांगर खेळणार ऑस्ट्रेलियात! क्रिकेट बोर्डाने ठेवली ही एकच अट, कोणती?
अनाया बांगर म्हणाली….
दरम्यान, संघाचा भाग होण्यास आणि माझ्या संपूर्ण प्रवासातील अनुभव व शिकवण मांडण्यास मला नक्कीच आवडेल. तसेच भविष्यात आपल्या देशासाठी आणि महिलांच्या खेळासाठी काय सर्वोत्तम ठरेल, याबद्दलही माझे विचार मांडायला मला आनंद होईल," असंही अनाया बांगर म्हणाली आहे. आंतरराष्ट्रीय क्रिकेट कौन्सिलने 2023 मध्ये ट्रान्सजेंडर महिला खेळाडूंवर आंतरराष्ट्रीय महिला क्रिकेट खेळण्यास काही नियम लागू केले होते. परंतु क्रिकेट ऑस्ट्रेलियाच्या मदतीमुळे अनाया आता स्थानिक स्तरावर 100 टक्के खेळण्यासाठी सज्ज झाली आहे.
