बातमी ऐका (Marathi Voice Reader)
Ballon d’Or Winner Announcement : यंदाचं वर्ष फुटबॉल जगतासाठी महत्त्वाचं होतं. यंदाच्या फिफा वर्ल्ड कपमध्ये स्पेनने अर्जेंटिनाचा पराभव करत इतिहास रचला होता. अशातच आता सर्वांना प्रतिक्षा असलेल्या बॅलन डी’ओरची घोषणा झाली आहे. यंदाच्या वर्षाच्या बॅलन डी’ओर (Ballon d’Or) पुरस्काराचा मानकरी इंग्लंडचा स्टार फुटबॉलपटू हॅरी केन हा ठरला आहे. पण हे बॅलन डी’ओर प्रकरण काय असतं? जाणून घ्या.
बॅलन डी’ओरचा मानकरी हॅरी केन…
बॅलन डी’ओर (Ballon d’Or) हा फुटबॉल जगतातील अत्यंत प्रतिष्ठित आणि सन्माननीय वैयक्तिक पुरस्कार आहे. हा किताब दरवर्षी ‘फ्रांस फुटबॉल’ या प्रसिद्ध फ्रेंच क्रीडा मासिकामार्फत त्या वर्षात सर्वोत्तम कामगिरी करणाऱ्या सर्वोत्तम फुटबॉलपटूला दिला जातो. ‘बॅलन डी’ओर’ या फ्रेंच शब्दाचा अर्थ ‘सुवर्ण चेंडू’ (Golden Ball) असा होतो. या पुरस्काराची ट्रॉफी खरोखरच सोन्याचा मुलामा दिलेल्या फुटबॉलच्या आकाराची असते.
Harry Kane’s Ballon d’Or moment
#ballondor https://t.co/SlRlkSNlVr
— UEFA Champions League (@ChampionsLeague) October 27, 2026
पुरस्कार जिंकणारा पहिला इंग्लिश खेळाडू
बायर्न म्युनिक आणि इंग्लंड राष्ट्रीय संघाकडून खेळणाऱ्या हॅरी केनने हा प्रतिष्ठित किताब पटकावत गेल्या 25 वर्षांत हा पुरस्कार जिंकणारा पहिला इंग्लिश खेळाडू ठरण्याचा मान मिळवला आहे. या रँकिंगमध्ये किलियन एमबापे दुसऱ्या आणि लॅमिन यामल तिसऱ्या स्थानावर होते. तसेच, याआधीच्या वर्षाचा बॅलन डी’ओर पुरस्कार फ्रान्सचा फुटबॉलपटू उस्मान डेम्बेले याने जिंकला होता.
लिओनेल मेस्सीला सर्वाधिक वेळा किताब
लिओनेल मेस्सी याने सर्वाधिक वेळा हा किताब आपल्या नावावर केला आहे, तर ख्रिस्तियानो रोनाल्डो याने देखील हा पुरस्कार अनेकदा जिंकला आहे. या पुरस्काराची सुरुवात 1956 मध्ये झाली होती. सुरुवातीला हा पुरस्कार फक्त युरोपीय देशांच्या फुटबॉलपटूंनाच दिला जात होता, परंतु 1995 पासून युरोपीय क्लब्समध्ये खेळणाऱ्या जगातील कोणत्याही देशाच्या खेळाडूला आणि 2007 पासून जगातील कोणत्याही लीगमध्ये खेळणाऱ्या खेळाडूंसाठी हा पुरस्कार खुला करण्यात आला.
