बातमी ऐका (Marathi Voice Reader)
Yuvraj Singh against Australia champions : टीम इंडियाचा वर्ल्ड कप चॅम्पियन युवराज सिंग याने आपल्या 44 व्या वयात देखील क्रिकेटचं प्रेम जोपासलं असून त्याने धमाकेदार खेळी करून दाखवली आहे. युवराज सिंहने ऑस्ट्रेलियाविरुद्ध 161 च्या स्ट्राईक रेटने वादळी खेळी केली अन् टीम इंडियाला विजय मिळून दिला आहे. एकीकडे चेला अभिषेक शर्मा याने पाकिस्तानविरुद्ध धमाकेदार फिफ्टी ठोकली अन् फायनलमध्ये टीम इंडियाला विजय मिळवून दिला. त्यानंतर आता युवराज सिंगने आपल्या जुन्या स्टाईलने सिक्सवर सिक्स ठोकत ऑस्ट्रेलियाला पाणी पाजलं. युवराजच्या शॉट्सच्या त्याच अदा पाहून त्याचे चाहते आजही आनंदी झाले आहेत.
तीन टीम इंडिया काल एकाच दिवशी मैदानात
काल टीम इंडियाच्या एक नाही तर तीन मॅच होत्या. तीन टीम इंडिया काल एकाच दिवशी मैदानात उतरल्या होत्या. एक एशियन गेम्सच्या फायनलमध्ये, दुसरी वेस्ट इंडिदविरुद्धच्या तिसऱ्या वनडे सामन्यात… तर तिसरी टीम वर्ल्ड चॅम्पियनशिप ऑफ लीजेंड्सच्या स्पर्धेत… या वर्ल्ड चॅम्पियनशिप ऑफ लीजेंड्स 2026 च्या अगदी पहिल्याच सामन्यात युवराज सिंगने ऑस्ट्रेलियाविरुद्ध शानदार फलंदाजी केली अन् सिंह म्हातारा झाला तरी शिकार करणं विसरत नाही, याची प्रचिती दाखवून दिली.
View this post on Instagram
A post shared by Star Sports India (@starsportsindia)
पाच फोर अन् सहा सिक्स
पहिल्यांदा बॅटिंग करताना युवराज सिंगच्या वादळी खेळीच्या जोरावर इंडियन चॅम्पियन्स संघाने ऑस्ट्रेलियन चॅम्पियन्सविरुद्ध 20 ओव्हरमध्ये 7 गडी गमावून 196 धावा केल्या. पाच फोर अन् सहा सिक्सच्या जोरावर युवीने आपला जलवा पुन्हा एकदा दाखवला. त्याशिवाय युसूफ पठाणने 37 धावांची खेळी केली अन् ऋषी धवनने 12 बॉलमध्ये 35 रन्स केले.
ऑस्ट्रेलियाची टीम 150 वर ऑलआऊट
दरम्यान, भारताने ऑस्ट्रेलियन संघासमोर विजयासाठी 197 धावांचे लक्ष्य ठेवलं होतं. त्यानंतर ऑस्ट्रेलियाची टीम 150 धावांवर ऑलआऊट झाली. त्यामुळे टीम इंडियाला 46 धावांनी विजय मिळवता आला. टीम इंडियाकडून धवल कुलकर्णी याने चार विकेट्स नावावर केले. तर मोहित शर्माला तीन विकेट्स मिळाले.
