तीन लाखांची बक्षिसे
सुरेश पाचभाई मारेगाव,
मारेगाव तालुक्यातील मार्डी येथे १५ जानेवारीपासून न्यू फ्रेंड्स क्रीडा मंडळाच्या वतीने भव्य कबड्डी स्पर्धेचे आयोजन करण्यात आले आहे. जि. प. शाळेच्या मैदानावर ही स्पर्धा पार पडणार असून ओपन पुरुष गट, ६० किलो आतील पुरुष गट आणि महिला खुला गट अशा तीन गटांत सामने खेळविण्यात येणार आहेत.
पुरुषांच्या ओपन गटात प्रथम बक्षीस ५१ हजार रुपये (खासदार श्रीमती प्रतिभाताई धानोरकर), द्वितीय ३१ हजार रुपये (मारोतराव गौरकार, गौरव आसेकर, रायल सय्यद), तृतीय २१ हजार रुपये (मंगेश हरणे, नागपूर) आणि चतुर्थ ११ हजार रुपये (रवीभाऊ धानोरकर) देण्यात येणार आहेत.
६० किलो आतील पुरुष गटात प्रथम ४१ हजार रुपये (अरविंद ठाकरे, सरपंच कुंभा), द्वितीय ३१ हजार रुपये (गौरीशंकर खुराणा), तृतीय २१ हजार रुपये (अंकुश माफूर व आकाश बदकी) आणि चतुर्थ ११ हजार रुपये (मयुरभाऊ ठाकरे) अशी बक्षिसांची रचना आहे.
महिला खुल्या गटात प्रथम ३१ हजार रुपये (हबीबखा जमालखा पठाण, नागपूर), द्वितीय २१ हजार रुपये (सारंग ठाकरे, वरोरा), तृतीय १५ हजार रुपये (डॉ. राजू देशपांडे, वणी) आणि चतुर्थ ११ हजार रुपये (सुरेंद्र काकडे, चनोडा) अशी रोख बक्षिसे दिली जाणार आहेत. तसेच तिन्ही गटांतील विजेत्या संघांना चषक प्रदान करण्यात येणार असून हे चषक सुरेश चांगले, सुरेश मुरस्कर व अनंता जुमळे यांच्या वतीने दिले जाणार आहेत.
याशिवाय बेस्ट रेडर, बेस्ट डिफेंडर व बेस्ट ऑलराऊंडर पुरस्कार अयुबखाँ पठाण, अखिलेश कांबळे व राजकुमार बोबडे यांच्या वतीने दिले जाणार आहेत. बेस्ट प्लेयर ऑफ द टूर्नामेंटला अक्षय मोबाईल शॉपी, वणी यांच्या वतीने होम थिएटर देण्यात येणार आहे. अंतिम सामन्यातील मॅन ऑफ द मॅचला सायकल भेट दिली जाणार आहे.
स्पर्धेसाठी प्रवेश शुल्क अ गट १००० रुपये, ब गट ९०० रुपये, महिला गट ७०० रुपये, लेट फी १५०० रुपये तर तक्रार फी ३००० रुपये ठेवण्यात आली आहे. सहभागी होऊ इच्छिणाऱ्या संघांनी अध्यक्ष अक्षय सराटे (८३९०८९५०४२) किंवा सचिव समाधान सिरामे (९०२२६९९६२३) यांच्याशी संपर्क साधून नोंदणी करावी, असे आवाहन न्यू फ्रेंड्स क्रीडा मंडळ, मार्डी यांच्या वतीने करण्यात आले आहे.
