बातमी ऐका (Marathi Voice Reader)
भंडारा जिल्ह्यातील मोहदुरा गावातून एक अत्यंत संतापजनक घटना समोर आली आहे. आपल्या स्वतःच्या मुलीच्या अल्पवयीन मैत्रिणीवर एका नराधमाने अत्याचार केल्याची धक्कादायक घटना घडली आहे. या प्रसंगामुळे हादरलेल्या पीडित मुलीने विषप्राशन करून जीवन संपवण्याचा प्रयत्न केला. आरोपी सोमा मेश्राम (36) याची मुलगी आणि पीडिता या एकाच वर्गात शिकतात. गुरुवारी पीडिता तिच्या मैत्रिणीच्या (आरोपीच्या) घरी थांबली असताना, सोमा मेश्रामने तिला दुचाकीवर फिरवून आणण्याचे आमिष दाखवले. त्यानंतर तिला एका निर्जनस्थळी नेऊन तिच्यावर अत्याचार केला. शुक्रवारी सकाळी पीडितेने घरच्यांना हा आपबिती सांगितली. पीडितेची प्रकृती आणि पोलिसांची कारवाई या घटनेच्या मानसिक धक्क्यातून पीडितेने विषप्राशन केले. तिला तात्काळ जिल्हा सामान्य रुग्णालयात दाखल करण्यात आले असून सध्या तिची प्रकृती स्थिर आहे. भंडारा पोलिसांनी घटनेचे गांभीर्य ओळखून आरोपी सोमा मेश्राम याला तातडीने अटक केली आहे. त्याच्यावर पॉक्सो कायद्यांतर्गत गुन्हा दाखल करण्यात आला असून, परिसरातून आरोपीला फाशीची शिक्षा देण्याची मागणी होत आहे. नाशिकमध्ये तरुणीवर अत्याचार; धर्मांतरासाठीही दबाव पंचवटी परिसरात आणखी एक लव्ह जिहादचा धक्कादायक प्रकार उघडकीस आला. अभियंता तरुणीला प्रेमाच्या जाळ्यात ओढून तीचे लैंगिक शोषण केलेच पण तिची धार्मिक ओळख पुसून टाकण्याचाही प्रयत्न केला. पंचवटी पोलिसांनी संशयित तांजिर इनामदार याला अटक केली. शनिवारी (दि.19) त्याला न्यायालयात हजर केले असता 22 एप्रिलपर्यंत पोलिस कोठडीत ठेवण्याचे आदेश दिले. याबाबत पीडित तरुणीने तक्रार दिली. पंचवटीतील एका अभियांत्रिकी महाविद्यालयात शिक्षण घेत असतांना 2024 मध्ये संशयित तांजिर सोबत ओळख झाली. फिरण्याचा बहाणा करत मेरी, म्हसरुळ परिसरातील सार्वजनिक उद्याने, लॉजमध्ये नेत बळजबरीने मिठी मारत तिच्या गळ्याला लव्ह बाईटच्या नावाखाली गंभीर जखमा करत मोबाईलमध्ये फोटो काढून तिला ब्लॅकमेल करत असल्याची तक्रार पोलिसांत दाखल झाली. निरीक्षक ज्योती आमणे तपास करत आहे.
