बातमी ऐका (Marathi Voice Reader)
Ankit Baliyan Murder Case : हरियाणवी अभिनेता आणि युट्यूबर अंकित बालियान हत्याकांडाने संपूर्ण देशात खळबळ उडाल्याचं पहायला मिळतंय. गेल्या काही दिवसांपासून पोलीस या प्रकरणात मारेकऱ्यांच्या शोधात होते, पण त्यांना काहीच आरोपींची काहीच लिंक लागत नव्हती. अशातच या प्रकरणी पोलिसांनी मोठी कारवाई करत 2 कथित आरोपींचा इन्काऊंटर केल्याचं समोर आलं आहे. त्याआधी अंकितच्या वडिलांनी पोलिसांना 96 तासाचा अल्टिमेटम दिला होता.
48 तासात आरोपींचा गेम ओव्हर
पोलिसांच्या कारवाईवर अंकितच्या फौजी वडिलांनी नाराजी व्यक्त केली होती. पोलिसांनी तातडीने कारवाई करत आरोपींना 96 तासात शोधून काढावं, अशी मागणी अंकितच्या कुटूंबियांकडून होत होती. अशातच पोलिसांनी 48 तासात अंकितच्या आरोपींचा गेम ओव्हर केला. अंकित बलियानच्या हत्या प्रकरणात पोलीस आणि एसटीएफने चकमकीत दोन शूटरचा एन्काऊंटर करण्यात आला आहे. आतापर्यंत तपासात हत्याकांडाशी निगडित 6 आरोपी समोर आलेत. चकमकीत मारले गेलेले आरोपी अंकित बालियान याच्या घराची रेकी आणि त्याचा पाठलाग करताना आढळले होते.
पूर्ण न्याय मिळणं बाकी – अंकितचे वडील
पोलिसांनी केलेल्या एन्काऊंटरनंतर अंकित बालियानच्या वडिलांनी समाधान व्यक्त केलंय. पोलिसांनी एक चांगलं काम केलं आहे. सध्यापुरता अर्धा न्याय मिळाला आहे. पूर्ण न्याय मिळणं बाकी आहे. उरलेले आरोपी दोन, तीन, चार, कितीही असोत, त्यांना ठार मारले पाहिजे, अशी मागणी अंकितच्या वडिलांनी केली आहे. पोलिसांच्या माहितीनुसार, ठार झालेल्या शूटरपैकी मोहितवर 14 गुन्हे दाखल होते, तर सुमितवर 1 गुन्हा होता.
दोन्ही आरोपी चकमकीत ठार
निगडित 6 आरोपींपैकी एक आरोपी याआधीच हत्येच्या आरोपात जेलमध्ये गेला होता. तर इतर तिघांविरोधात विविध गुन्हे नोंद आहेत. सीसीटीव्हीच्या आधारे मोहित, सुमितला ट्रॅक करण्यात आलं. कैराना रोडवरील इंडियन गॅस गोदामाजवळ दोन्ही आरोपी चकमकीत ठार झाले. दोन्ही आरोपींकडून 2 पिस्तुल, जिवंत कारतूस, एक दुचाकी, मोबाईल फोन आणि 5 हजारांची रोकड जप्त करण्यात आली आहे.
