मारेगाव तालुक्यातील एका गावातील घटना
विधिसंघर्ष बालकास अटक
सुरेश पाचभाई मारेगाव
मारेगाव तालुक्यातील एका गावातील गावात खेळत असलेल्या 4 वर्षीय चिमुकलीला गावातीलच एका व्यक्तीच्या गोठ्यात नेवून अत्याचाराचा प्रयत्न केल्याची खळबजनक घटना दिनांक 2 मार्च 2025 रोज रविवारला सायंकाळी 5 वाजताचे सुमारास घडली. या प्रकरणी गावातील 15 वर्षीय विधी संघर्ष बालकास अटक करण्यात आली आहे.
मारेगाव तालुक्यातील एका गावात 4 वर्षीय पीडिता ही आई-वडिलासह राहते.तिचे आई,वडील कामावर गेले होते.आजी सोबत ती घरी असतांना पिडीत चिमुकली ही बाहेर खेळत होती.त्या ठिकाणी पंधरा वर्षीय विधिसंघर्ष बालकाने तिला गोठ्यात नेवून तेथे अत्याचाराचा प्रयत्न केला.
त्याच दरम्यान पिडीत चिमुकलीचे वडील कामावरून परत गावात येताच बालिकेचा शोध घेतला असता संशायित गोठ्यातून निघाला व पिडीता गोठ्यात आढळली.बालिकेस विश्वासात घेत आईने विचारपूस केल्यानंतर हा गंभीर प्रकार उघडकीस आला.
त्यांनी लगेच मारेगाव पोलिस ठाण्यात तक्रार दाखल केली असून तक्रारी नुसार संशायित विधी संघर्ष बालकास बाल लैंगिक संरक्षण अधिनियम कलम 65(2), 64(2), 3(ब ) 4, 5 (म ), 6 नुसार गुन्हे दाखल करून अटक केली.सदर घटनेचा तपास उपविभागीय पोलीस अधिकारी यांचे मार्गदर्शनाखाली मारेगाव वणी पोलीस करीत आहे.
