सुरेश पाचभाई मारेगाव
मारेगाव तालुक्यातील बोटोणी येथील सध्या राहणार कोंढवा बु. पुणे येथील कु. मनस्वी विशाल पिंपरे हिने नुकत्याच कोलकत्ता, पश्चिम बंगाल येथे पार पडलेल्या रोलर स्केटिंग फेडरेशन ऑफ इंडिया आयोजित ९व्या रँकिंग ओपन नॅशनल स्पीड स्केटिंग चॅम्पियनशिप २०२५ मध्ये १o वर्षा आतील मुलीच्या वयोगटात २०० मीटर , ५०० मीटर आणि १००० मीटर स्पीड स्केटिंग रेस मध्ये ३ कांस्य पदके मिळवून ह्या नॅशनल स्केटिंग चॅम्पियनशिप मध्ये महाराष्ट्र राज्यासाठी अभिमानास्पद अशी कामगिरी केली आहे.
मनस्वी अवघ्या ७ वर्ष ६ महिन्याची असून १० वर्ष वयाच्या मुलीच्या वयोगटात ३ कांस्य पदके मिळवणे गौरवास्पद आहे, गेल्या ४ वर्षाच्या प्रशिक्षण कालावधी मध्ये मनस्वीने ३ नॅशनल स्केटिंग चॅम्पियनशिप मध्ये भाग घेतला असून एकूण ४ कांस्य पदके महाराष्ट्र राज्यासाठी आणले आहे.
खुप कमी कालावधीत हे यश मिळवण्यासाठी मनस्वीने अथक परिश्रम घेतले आहे , तीचे स्केटिंग प्रशिक्षक विजय मलजी सर यांचे विशेष मार्गदर्शन लाभले, ती सध्या मारुती बधे मेमोरियल स्कूल , कोंढवा येथे शिकत आहे. या नॅशनल स्केटिंग स्पर्धेकरिता सामाजिक कार्यकर्ते श्री विजुभाऊ चोरडिया यांचे विशेष सहकार्य मिळाले. मनस्वीच्या या कामगिरीचे सर्वत्र कौतुक होत आहे.
