राहुरी तालुक्यातील वांबोरी येथे वर्ध्याचे गटविकास अधिकारी समर्थ शेवाळे यांच्या घरी पुन्हा एकदा पाळत ठेवून चोरीचा प्रयत्न झाला. परंतू, दार न उघडल्याने, चोरट्यांना रिकाम्या हातांनी परतावे लागले. वर्षभरापूर्वी याच ठिकाणी घरफोडी करून तब्बल सात तोळे सोन्याचे दागीने लंपास करण्यात आले होते. या चोरीचाही अद्याप तपास लागला नाही. वांबोरीत पुन्हा एकदा पाळत ठेऊन चोरीचा प्रकार उघडकीस आल्याने राहुरी पोलिसांसमोर तपासाचे आव्हान आहे. समर्थ शेवाळे यांचे वडील शंकर शेवाळे व आई सूमन शेवाळे वांबोरी येथील सुभाषनगर येथे राहतात. ते बुधवारी (२० मे) त्यांच्या बंधूंकडे अहिल्यानगरला गेले होते. ते घरी नसल्याचा फायदा घेऊन, त्यांच्या कंपाउंडवरून अनोळखी व्यक्तीने प्रवेश केला. कुलूप कोयंडा तोडला पण सेंटर लॉक न तुटल्याने चोरट्याचा डाव फसला. गुरुवारी दुपारी घरी परतल्यानंतर, घडलेला प्रकार शेवाळे दाम्पत्यांच्या लक्षात आला. आरोपी सीसीटिव्ही कॅमेऱ्यात दिसला आहे. यापार्श्वभूमीवर आता पोलिसांसमोर तपासाचे आव्हान आहे. कारण यापूर्वी १९ मे २०२५ रोजी, दाम्पत्य बाहेरगावी असताना त्यांचे घर फोडले होते. त्यावेळी सात तोळे सोने व १.१० लाखांची कॅश चोरी गेली होती. चोरीच्या उद्देशाने शेवाळे यांच्या घरी कंपाउंडवरून उडी मारून एकाने प्रवेश केला. त्यावेळी चेहऱ्यावर मास्क नव्हता. सिसीटिव्हीत आरोपी कैद झाला आहे. त्यानंतर त्याने पुन्हा मास्क घालून दार तोडण्याचा प्रयत्न केला. ही घटना रात्री १:४५ एकच्या सुमारास घडली. मास्क नव्हता, नंतर घातला
