ब्रेकिंग न्यूज
⚡ Pandharpur: ‘5 मिनिटं थांबलो असतो तर माझाही जीव…’ विहीर दुर्घटनेतून कसा वाचला 16 वर्षांचा शुभम, सांगितला… ✦ ⚡ दिवाळीला मुलगी घरी आलेली, आईच्या फोनवर व्हिडिओ कॉल, पण संशय बळावला अन् अनर्थ टळला, नाशिकात खळबळ ✦ ⚡ पारंपरिक शेतीची वाट सोडली, बोर लागवडीचा केला यशस्वी प्रयोग, वर्षाला निव्वळ 6 लाख नफा, Video ✦ ⚡ News18 Marathi Headlines | 16 NOV | 9 AM | Maharashtra Politics | Fadnavis |Shinde | NCP| FDA ✦ ⚡ IND vs PAK : 1 बॉल 3 रन… टीम इंडियाने शेवटच्या बॉलवर नांग्या ठेचल्या; पाकिस्तानच्या पब्लिकचा रस्त्यावर हा… ✦ ⚡ देवदर्शनासाठी गेलं कुटुंब, घरी कोणीही नसल्याची साधली संधी, नाशिकमध्ये 12 लाखांची चोरी ✦ ⚡ मारेगाव तालुक्यात २ कोटी २२ लाखांच्या विकासकामांचा धडाका! ✦ ⚡ मारेगाव जिल्हा मध्यवर्ती बँकेत लक्ष्मीपूजन; नवनिर्वाचित संचालिका किरणताई देरकर यांचा सन्मान ✦ ⚡ IND vs NZ 5th ODI : टीम इंडिया 34-3… न्यूझीलंडमध्ये ROKO चा ‘एन्ड गेम’, ज्याची भीती होती तेच झालं! गंभीरन… ✦ ⚡ Pune Amit Shah: पुणेकरांनो लक्ष द्या! अमित शहांच्या दौऱ्यानिमित्त पुढील 2 दिवस वाहतुकीत मोठे बदल, कोणते मार…
SP News Maregaon

केमिस्ट्री, बायोलॉजीनंतर फिजिक्स पेपरसेटरलाही पुण्यातूनच पकडले:नीट पेपरफुटीच्या पुराव्यासाठी सीबीआयची रद्दीच्या दुकानात झडती

3 Views
🔊
बातमी ऐका (Marathi Voice Reader)


नीट पेपरफुटी प्रकरणात सीबीआय पथकाने शुक्रवारी पुण्यातील शुक्रवार पेठेतील रहिवासी, एनटीएची फिजिक्सची पेपरसेटर मनीषा हवालदारला अटक केली. नीट प्रकरणात महाराष्ट्रातील ही सातवी अटक आहे. दरम्यान, लातूरमध्ये सीबीआयने शुक्रवारी एका बीएएमएस डॉक्टर व बालरोग तज्ज्ञाची कसून चौकशी केली. या बालरोगतज्ज्ञाच्या मुलाने पेपर संपताच नोट्स विकल्याचे सांगितल्यामुळे पथक रद्दीवाल्याच्या दुकानातही पोहोचले होते. दरम्यान, परभणी, हिंगोली येथेही शुक्रवारी सीबीआयच्या पथकाने छापे टाकले. दोन दिवस सीबीआयच्या ताब्यात राहून सीबीआयचे साक्षीदार झालेले लातूरचे बालरोगतज्ज्ञ डॉ. मनोज शिरुरे घरी परतले. त्या दरम्यान, लातुरात ठाण मांडून बसलेले सीबीआयचे पथक ॲक्टिव्ह मोडवर आले. ४ अधिकाऱ्यांच्या पथकाने शुक्रवारी दुपारी १२ वाजेच्या सुमारास जुना औसा रोडवरील डॉ. मनोज देशमुख यांची त्यांच्या घरात चौकशी केली. त्यांच्या मुलाने दिलेल्या नीटविषयी प्रश्न विचारले. त्यांच्या मुलाने सोडवलेली नीटची प्रश्नपत्रिका ताब्यात घेतली. त्यानंतर दयानंद कॉलेज रोडवरील बालरोगतज्ज्ञ डॉ. विनोद स्वामींचीही चौकशी केली. त्यांचा मुलगाही परीक्षार्थी होता. मनीषा हवालदार-मनीषा मांढरे कनेक्शन सेठ हिरालाल सराफ प्रशालेत कार्यरत पेपरसेटर मनीषा संजय हवालदार नीट यूजी २०२६ च्या प्रक्रियेत होती. नॅशनल टेस्टिंग एजन्सीने (एनटीए) तिची भौतिकशास्र तज्ज्ञ म्हणून नियुक्ती केली होती. मनीषा हवालदारला भौतिकशास्त्राची प्रश्नपत्रिका माहिती असल्याने तिने काही प्रश्न एनटीएची जीवशास्त्रतज्ज्ञ मनीषा मांढरेला एप्रिल महिन्यात दिले. हे प्रश्न आणि नीट प्रश्नपत्रिकेत आलेले प्रश्न यांची पडताळणी केली असता काही प्रश्न तंतोतंत जुळले. त्यामुळे मनीषा हवालदारला सीबीआयने शुक्रवारी अटक केली. डॉक्टरच्या मुलाने नोट्स रद्दीत विकल्या होत्या सूत्रांनी दिलेल्या माहितीनुसार बालरोगतज्ज्ञ डॉ. स्वामींच्या घरी पोचलेल्या सीबीआय पथकाने डॉक्टरांकडे त्यांच्या मुलाने नीट परीक्षेची तयारी करण्यासाठी वापरलेल्या नोट्स, पुस्तके, वह्या कुठे आहेत, असे विचारले. त्यांनी हे सर्व रद्दीत विकल्याचे सांगितले. म्हणून रुग्णालयातील कर्मचाऱ्याला सोबत घेऊन पथकाने दयानंद महाविद्यालय परिसरातील रद्दीवाल्यास शोधले. त्याला डॉक्टरांच्या समोर हजर केले तेव्हा त्या रद्दीवाल्याने डॉक्टरने मला रद्दी विकलेलीच नसल्याचे पथकाला सांगितले. त्यानंतर हे पथक प्रश्नपत्रिका घेऊन रवाना झाले. हवालदारचे निलंबन, पुढील कारवाई तातडीने सुरू भारतीय विद्या प्रसारणी सभा संस्थेचे सचिव सतीश गवळी यांनी सांगितले की, मनीषा हवालदारचे या घोटाळ्यात येणे ही घटना अत्यंत दुर्दैवी, निषेधार्ह आहे. संस्थेतील शिक्षिका असे गैरकृत्य करतील व विद्यार्थ्यांचे शैक्षणिक नुकसान करतील असे आम्हास कधीच वाटले नाही. सभा व शाळा प्रशासनाने तिला निलंबित करून पुढील कारवाई सुरू केली आहे. संस्थेला अंधारात ठेवून हवालदार एनटीएवर मनीषा हवालदार १९९२ पासून भारतीय विद्या प्रसारणी सभेत कामास आहे. २०२४ पर्यंत ती अकरावी, बारावीला भौतिकशास्त्र शिकवत होती. २०२४ मध्ये सेठ हिरालाल शाळेमध्ये ती मुख्याध्यापिका झाली. तिने भारतीय विद्या प्रसारणी सभेच्या पदाधिकाऱ्यांना अंधारात ठेवून एनटीएमध्ये स्वतःची नेमणूक करून घेतली. ३० जून २०२६ रोजी निवृत्त होणार असे कारण पुढे करून रजा घेत एनटीएची कामे करत राहिली. मनीषा मांढरेप्रमाणे तिने खास विद्यार्थ्यांसाठी खास क्लास घेतले होते का, याचा तपास सुरू आहे.

ही बातमी शेअर करा
विदर्भ एस.पी. न्यूज नेटवर्क, मारेगाव विदर्भातील घडामोडींपासून राज्य, देश आणि जगभरातील ताज्या, अचूक व विश्वासार्ह बातम्या सर्वात आधी आपल्या भेटीला. ब्रेकिंग न्यूज, राजकारण, गुन्हे, सामाजिक, कृषी, शिक्षण, क्रीडा, मनोरंजन आणि विशेष रिपोर्ट्स एका क्लिकवर. सत्याला आवाज देणारे, जनतेचा विश्वास जपणारे आपले हक्काचे न्यूज पोर्टल – विदर्भ एस.पी. न्यूज नेटवर्क मारेगाव.
प्रतिक्रिया द्या
⚡ मारेगाव फ्लॅश व्हिडिओ पहा
↓ रिफ्रेश करण्यासाठी खाली ओढा
💬 चॅटवर शेअर करा 📢 स्टेटसवर शेअर करा
📱 नेटिव्ह शेअर