ब्रेकिंग न्यूज
⚡ Pandharpur: ‘5 मिनिटं थांबलो असतो तर माझाही जीव…’ विहीर दुर्घटनेतून कसा वाचला 16 वर्षांचा शुभम, सांगितला… ✦ ⚡ दिवाळीला मुलगी घरी आलेली, आईच्या फोनवर व्हिडिओ कॉल, पण संशय बळावला अन् अनर्थ टळला, नाशिकात खळबळ ✦ ⚡ पारंपरिक शेतीची वाट सोडली, बोर लागवडीचा केला यशस्वी प्रयोग, वर्षाला निव्वळ 6 लाख नफा, Video ✦ ⚡ News18 Marathi Headlines | 16 NOV | 9 AM | Maharashtra Politics | Fadnavis |Shinde | NCP| FDA ✦ ⚡ IND vs PAK : 1 बॉल 3 रन… टीम इंडियाने शेवटच्या बॉलवर नांग्या ठेचल्या; पाकिस्तानच्या पब्लिकचा रस्त्यावर हा… ✦ ⚡ देवदर्शनासाठी गेलं कुटुंब, घरी कोणीही नसल्याची साधली संधी, नाशिकमध्ये 12 लाखांची चोरी ✦ ⚡ मारेगाव तालुक्यात २ कोटी २२ लाखांच्या विकासकामांचा धडाका! ✦ ⚡ मारेगाव जिल्हा मध्यवर्ती बँकेत लक्ष्मीपूजन; नवनिर्वाचित संचालिका किरणताई देरकर यांचा सन्मान ✦ ⚡ IND vs NZ 5th ODI : टीम इंडिया 34-3… न्यूझीलंडमध्ये ROKO चा ‘एन्ड गेम’, ज्याची भीती होती तेच झालं! गंभीरन… ✦ ⚡ Pune Amit Shah: पुणेकरांनो लक्ष द्या! अमित शहांच्या दौऱ्यानिमित्त पुढील 2 दिवस वाहतुकीत मोठे बदल, कोणते मार…
SP News Maregaon

पारंपरिक शेतीची वाट सोडली, बोर लागवडीचा केला यशस्वी प्रयोग, वर्षाला निव्वळ 6 लाख नफा, Video

1 View
🔊
बातमी ऐका (Marathi Voice Reader)


सोलापूर : पावसाच्या लहरीपणावर आणि दुष्काळी परिस्थितीवर मात करत, जिद्दीच्या आणि कष्टाच्या बळावर शेतीमध्ये नवनवीन प्रयोग करून सोन्याचे पीक कसे घेता येते, याचे उत्तम उदाहरण सांगोला तालुक्यातील चिकमहूद येथील शेतकरी सतीश धोंडीराम भोसले यांनी घालून दिले आहे. सतीश भोसले यांनी मागील 10 वर्षांपासून पाच एकर शेतात यशस्वीपणे सतीश भोसले हे ग्रीन एप्पल बोरची लागवड करत असून, आज ते या माध्यमातून वर्षाला सर्व खर्च वजा करून 6 लाख रुपयांचे उत्पन्न मिळवत आहेत.

ग्रीन एप्पल बोर लागवड करण्यापूर्वी सतीश भोसले यांनी जमिनीची योग्य मशागत करून खतांचे व्यवस्थापन केले. त्यानंतर शेतात शेणखत भरून पाच एकरांवर या फळबागेची लागवड केली. या संपूर्ण लागवड प्रक्रियेसाठी त्यांना सुरुवातीला 2 ते 2.50 लाख रुपयांपर्यंतचा खर्च आला होता. प्रतिकूल परिस्थितीतही हे पीक जोपासण्यासाठी त्यांनी विशेष मेहनत घेतली. ग्रीन ॲपल बोराच्या पिकावर प्रामुख्याने करपा आणि भुरी यांसारख्या रोगांचा प्रादुर्भाव होण्याची शक्यता असते. या रोगांपासून पिकाचा बचाव करण्यासाठी ते नियमितपणे दर पंधरा दिवसांनी आवश्यक फवारण्या घेतात, ज्यामुळे त्यांची बाग रोगमुक्त आणि निरोगी राहते.

या फळबागेतून उत्पादित होणाऱ्या ग्रीन एप्पल बोराला सध्या बाजारात उत्तम मागणी असून, सरासरी 900 रुपये प्रति 1000 किलो दर मिळत आहे. सतीश यांच्या शेतातील या बोरांची विक्री केवळ स्थानिक पातळीवरच नव्हे, तर नागपूर, मुंबई आणि हैदराबाद यांसारख्या मोठ्या महानगरांच्या बाजारपेठांमध्ये होते. शेतीचा मशागत खर्च, औषध फवारणी आणि वाहतूक खर्च वजा जाता, सतीश भोसले यांना सध्या या पाच एकरांच्या बागेतून दरवर्षी जवळपास 6 लाख रुपयांपर्यंत उत्पन्न मिळत आहे.

एकीकडे दुष्काळ आणि पाण्याची टंचाई असतानाही, योग्य नियोजन करून ग्रीन एप्पल बोराची ही बाग उत्तमरीत्या जोपासून सतीश भोसले यांनी परिसरातील इतर शेतकऱ्यांसमोर एक नवा आदर्श निर्माण केला आहे. कष्टाचे चीज कसे होते, याचे उत्तम उदाहरण म्हणजे त्यांची ही शेती ठरत आहे.

ही बातमी शेअर करा
प्रतिक्रिया द्या
⚡ मारेगाव फ्लॅश व्हिडिओ पहा
↓ रिफ्रेश करण्यासाठी खाली ओढा
💬 चॅटवर शेअर करा 📢 स्टेटसवर शेअर करा
📱 नेटिव्ह शेअर