मारेगांव तालुका प्रतिनिधी:- सुरेश पाचभाई
[9922862184]
सविस्तर वृत्त असे की.
मारेगाव तालुक्यातील कुंभा येथील एका शेतातील गोठ्याला आग लागून एका बैलाचा तडफडन मृत्यू झाल्याची घटना आज दिनांक 31 मार्च रोज गुरुवारला दुपारी सुमारे 3:30वाजताच्या सुमारास कुंभा खंड 1 मधील, गट नंबर 177 मध्ये घडली आहे.
परिसरात सध्या शेतीची कामे जोराशोरात सुरू आहे .शेतातील केरकचरा धूरेबांध जाळून शेत तयार करण्याकरिता शेतकरीची लगबग सुरू आहे.
त्यातच आज दिनांक 31 मार्च2022 रोजी कुंभा खंड 1 मधील विजय महादेव उरकुडे या शेतकऱ्यांच्या शेतातील गोट्याला अचानक आग लागली आहे.या आगीत एका बैलाचा तडफडून मृत्यू झाला आहे.तर एक बैल व एक गोरा सुदैवाने यात बचावला आहे. या आधी आगी मध्ये शेती उपयोगी साहित्य स्पिंकलर पाईप व आदी शेती उपयोगी वस्तू जळून खाक झाल्या आहे यात शेतकऱ्याचे मोठे नुकसान झाल्याचा अंदाज वर्तविण्यात येत आहे.
शेतकऱ्यांनी कचरा जाळताना दक्षता घेण्याची गरज आहे.
शेती खरीप हंगामाकरिता मशागत करण्याकरता शेतकरी कामाला लागला आहे. शेतातील केरकचरा धुरेबांध जाळून शेती तयार करीत आहे. अशातच उन वाढू लागले व भर उन्हामध्ये शेतकरी शेतातील केरकचरा जाळत असताना दक्षता नघेतल्यास अशा घटना घडू शकते असे बोलल्या जात आहे.
