सुरेश पाचभाई मारेगाव
मारेगाव: तहसीलदार तथा तालुका दंडाधिकारी कार्यालयामार्फत जीवनावश्यक इंधनाचा लिलाव 9 सप्टेंबर 2025 रोजी आयोजित करण्यात आला आहे. पोलीस स्टेशन मारेगाव येथे 2017 सालापासून विविध गुन्ह्यांमध्ये जप्त करण्यात आलेले रॉकेल, पेट्रोल व डिझेल या इंधनाचा साठा या लिलावातून विक्रीस काढण्यात येणार आहे.
सदर लिलाव तहसील कार्यालय, मारेगाव येथे दुपारी 2 वाजता पार पडणार असून, लिलावातून जमा होणारी रक्कम शासनाकडे जमा केली जाणार आहे.
जप्त साठा:
रॉकेल – 820 लिटर ,पेट्रोल – [साठा नोंद उपलब्ध]
डिझेल – [साठा नोंद उपलब्ध] ,मिश्रित साठा – [साठा नोंद उपलब्ध]
लिलावाच्या अटी व शर्ती:
इच्छुकांनी आधार कार्ड अथवा मतदान ओळखपत्राची छायाप्रत सादर करणे आवश्यक.बोली लावण्यासाठी रु. 500/- तहसील कार्यालयात जमा करणे बंधनकारक.लिलाव मंजूर होताच 100% रक्कम तात्काळ भरावी लागणार.सर्वोच्च बोलीदार वेळेत रक्कम न भरल्यास फेरलिलाव घेण्यात येईल व फरकाची रक्कम संबंधिताकडून वसूल केली जाईल.
लिलाव मंजूर अथवा नामंजूर करण्याचा अधिकार तहसीलदार, मारेगाव यांच्याकडे राहील.अंतिम बोलीनंतर प्रत्यक्ष मोजणी करून साठा पंचासमक्ष लिलावदाराकडे सुपूर्द केला जाणार आहे.
या लिलावाबाबतची माहिती जिल्हा पुरवठा अधिकारी, उपविभागीय अधिकारी वणी तसेच पोलीस स्टेशन मारेगाव यांना कळविण्यात आली असून, प्रगटन नोटीस बोर्डावर देखील प्रसिद्ध करण्यात आली आहे.
इच्छुकांनी दिलेल्या दिनांक व वेळेस तहसील कार्यालय मारेगाव येथे उपस्थित राहून सहभाग नोंदवावा, असे आवाहन तहसीलदार मारेगाव यांनी केले आहे.
