तालुका प्रतिनिधी भामरागड
भामरागड– येथील राजे विश्वेश्वरराव कला वाणिज्य महाविद्यालयात क्रांतीज्योती सावित्रीबाई फुले यांना पुण्यतिथीनिमित्त कार्यक्रमाच्या माध्यमातून विनम्र अभिवादन करण्यात आले.
याप्रसंगी राष्ट्रीय सेवा योजना विभागाच्यावतीने आयोजित कार्यक्रमाच्या अध्यक्षस्थानी डॉ. प्रमोद घोनमोडे तर प्रमुख अतिथी म्हणून गावंडे मॅडम, झलके मॅडम, डॉ. संतोष डाखरे, डॉ. कैलास निखाडे, संजय खंडारकर, घोडे सर, शैलेश गावडे उपस्थित होते.
सावित्रीमाई मुळेच सर्व महिला शिक्षणाच्या प्रवाहात आल्याचे मत गावंडे मॅडम यांनी व्यक्त केले. क्रांतिज्योतीच्या प्रेरणेतून आज महिलांनी प्रगतीचे शिखर गाठल्याचे मत झलके मॅडम यांनी व्यक्त केले.
डॉ. निखाडे यांनी क्रांतिज्योतीच्या शैक्षणिक योगदानाचा आढावा घेतला. वर्तमानात क्रांतिज्योतीचे विचार सर्वांनी आत्मसात करण्याची गरज असल्याचे प्रतिपादन डॉ. घोनमोडे यांनी केले. कार्यक्रमाचे प्रास्ताविक राष्ट्रीय सेवा योजना अधिकारी डॉ. संतोष डाखरे यांनी तर संचालन व आभार प्रदर्शन इरपा पुंगाटी यांनी केले.
