युवाकाँग्रेसची सा.बां. विभागाकडे मागणी.
तालुका प्रतिनीधी :-झरी (जामणी) ज्ञानेश्वर आवारी
[88059 79173]
झरी जामनी तालुक्यातील
पाटण ते झरी मार्गाची गत एक वर्षापासून दुरवस्था झाली आहे. सदर रस्त्याच्या दुरुस्तीचे काम त्वरित सुरू करण्यात यावे. अन्यथा सार्वजनिक बांधकाम विभाग कार्यालयासमोर तीव्र आंदोलन करू, असा इशारा युवक काँग्रेसच्यावतीने सार्वजनिक बांधकाम विभाग पांडरकवडा येथील कार्यकारी अभियंत्यांना
निवेदनातून दिला आहे.
या मार्गावर दुचाकी अपघातात अनेक झन गंभीर जखमी झाले. पाटण व परिसरातील 35 ते 40 गावातील शेकडो जनता दुचाकी व इतर वाहनाने शासकीय कामानिमित्त याच मार्गाने झरीला येतात गेल्या वर्षी पासून यामार्गाची दुरावस्था बिकट झाली आहे .खड्डे पडल्याने चारचाकी व दुचाकी वाहनांच्या अपघातात वाढ झाली आहे.
परंतु सदर रस्ता अतिशय खराब असल्याने सायकलही घेऊन जाणे कठीण व धोक्याचे झाले आहे. पाटण ते झरी 8 कि.मी रस्त्याची अवस्था अतिशय बिकट झाली आहे. रस्त्यात खड्डे की रस्ता खड्यात अशी अवस्था झालेली आहे.सदर रस्त्याच्या दुरुस्तीचे काम त्वरित करण्यात यावे. अशी मागणी युवा काँग्रेसच्या वतीने सार्वजनिक बांधकाम विभाग पांडरकवडा येथील कार्यकारी अभियंत्यांना निवेदनातून दिला आहे.
निवेदन देतेवेळी सरपंच नीलेश येल्टीवार, युवक काँग्रेसचे तालुकाध्यक्ष राहुल दांडेकर, मिथून सोयाम, गंगाधर आत्राम, नितीन खडसे, आसिफ कुरेशी, राकेश गालेवार, प्रतीक गंद्रतवार, शंकर आकुलवार, ओंकार नागरतवार, मुकेश शिरपूरकर, निखिल चौधरी, श्रीकांत अनमूलवार व चेतन मॅकलवार इ. उपस्थित होते .
