पोक्सो अंतर्गत गुन्हा दाखल,संशयित आरोपीस अटक
मारेगांव तालुका प्रतिनिधी:- सुरेश पाचभाई
[9922862184]
मारेगाव येथून खासगी वर्ग आटोपून आपल्या गावाला जात असलेल्या एका शाळकरी मुलीचा हात पकडून विनयभंग केल्याची घटना आज दिनांक 16 जुन 2022 रोज गुरुवारला सकाळी 10:30 सुमारास घडली. सदर मुलीने घरी जाऊन आपबीती आपल्या वडिलांना सांगितल्यावर घरच्यांनी मारेगाव पोलीस ठाणे गाठत आरोपीविरुद्ध तक्रार दाखल केली.तक्रारीवरुन पोलिसांनी गुन्हा दाखल करुन संशयित आरोपीस अटक केली आहे.
टाकळखेडा येथील एक मुलगी मारेगाव येथे शिक्षण घेत आहे. नेहमी प्रमाणे ती आज दिनांक 16 जुन 2022 रोज गुरुवारला सकाळी खासगी वर्गासाठी मारेगाव येथे आली होती. वर्ग आटोपून ती आपल्या गावाला सायकलने घरी परत जात असतांना मारेगाव जवळील घोंसा मार्गावरील आय टी आय जवळ संशयित आरोपी हर्षल धंदरे वय सुमारे 23 वर्ष रा. मांगरुळ हा त्याच्या दुचाकीने आला. व त्याने या मुलीचा वाईट उद्देशाने उजवा हात पकडून मला तुझ्याशी बोलायचे आहे.
असे म्हणत विनयभंग केला. तसेच मोबाईल नंबरची मागणी सुध्दा केली. पीडिता घरी गेल्यावर तिने आपल्या कुटुंबियांना आपबीती सांगितली. घरच्यांनी मारेगाव पोलीस ठाणे गाठत तक्रार दाखल केली.तक्रारीवरुन मारेगाव पोलिसांनी कलम 354 भादवी (पोक्सो )अंतर्गत गुन्हा दाखल केला असून संशयित आरोपीला अटक केली आहे. पुढील तपास ठाणेदार राजेश पुरी यांच्या मार्गदर्शनात पो.उ.नि.डी.जी.सावंत करीत आहेत.
