मारेगांव ते वणी राज्य महामार्गावरील गौराळा बस स्टॉप जवळील घटणा.
तालुका प्रतिनिधी मारेगाव:- गजानन आसुटकर ,
मारेगांव तालुक्यातील गौराळा बस स्टॉप जवळ राज्य महामार्गावर भरधाव ट्रॅव्हल्सची उभ्या टिप्परला मागुन भिषण धडक दिली असुन या अपघातात ट्रॅव्हल्स मधील अनेक जन गंभीर जखमी झाले आहे.ही घटना आज दिनांक 28 सप्टेंबर 2023 रोज गुरुवारला रात्री 9:30 वाजताच्या सुमारास घडली.
असुन गौराळा बस स्टॉप जवळ रस्त्याच्या कडेला उभा असलेला टिप्परला अकोला येथून चिमूर कडे जाणाऱ्या ट्रॅव्हल्स क्रमांक MH. 27 A.9994 ने जबर मागुन धडक दिली.ट्रॅव्हल्स मध्ये सुमारे 50 प्रवासी होते यातील 5 गंभीर जखमी झाले तर 45 प्रवासी किरकोळ जखमी झाले.ट्रॅव्हल्स कॅबिनमध्ये एक महिला फसलेल्या आहेत त्यांना बाहेर काढण्यासाठी शर्तीचे प्रयत्न सुरू आहे.
ही घटणा आज दिनांक 28 सप्टेंबर 2023 रोज गुरुवारला रात्री 9:30 वाजताच्या सुमारास हा भीषण अपघात झाला असुन ही ट्रॅव्हल्स अकोला येथील असून या ट्रॅव्हल्समधील प्रवासी हे तेल्हारा तालुक्यातील अकोली (रूपराव)येथील रहिवासी आहे ते ट्रॅव्हल्स भाड्याने करून चिमूर येथे जात होते.सुदैवाने मोठी जीवितहानी टळली आहे.अपघात होताच रस्त्यांनी ये-जा करणाऱ्या नागरिकांनी व स्थानिकांनी घटनेची माहिती लगेच मारेगांव पोलिसांना दिली.
माहिती मिळताच मारेगाव व वणी पोलीस घटनास्थळी दाखल झाले आणि जखमी व्यक्तीला मारेगांव येथेल ग्रामीण रुग्णालयात उपचारासाठी दाखल केले असुन गंभीर जखमींना पुढील उपचारासाठी चंद्रपूर व यवतमाळ येथे स्थलांतरीत केल्याची माहिती आहे.या प्रकरणाचा पुढील तपास मारेगांव पोलीस करत आहे.