अमरावती परिक्षेत्राचे पोलीस महानिरीक्षक जयंत नाईकनवरे यांनी केले उद्घाटन.
आमदार संजीवरेड्डी बोतकुरवार यांचीही उपस्थिती.
सुरेश पाचभाई मारेगाव :- येथील मागील अनेक दिवसांपासून उदघाटनाच्या प्रतीक्षेत असलेल्या पोलीस स्टेशन समोरील भारत पेट्रोलियमचे पेट्रोलपंपचे उदघाटन अमरावती परिक्षेत्राचे पोलीस महानिरीक्षक जयंत नाईकनवरे यांच्या हस्ते आज दिनांक 23 फेब्रुवारी 2023 रोज गुरुवारला करण्यात आले. यावेळी वणी विधानसभा क्षेत्राचे आमदार संजीवरेड्डी बोदकुरवार अध्यक्षस्थानी होते.
तर प्रमुख पाहुणे म्हणून जिल्हा पोलीस अधिक्षक डॉ.पवन बन्सोड,उपविभागीय पोलिस अधिकारी संजय पुज्जलवार,उपविभागीय अधिकारी डॉ.शरद जावळेकर,तहसीलदार दीपक पुंडे,नगराध्यक्ष डॉ.मनीष मस्की ,बी.पी.सी.एल.चे क्वॉडीनेटर गजेंद्र कुशवाह यांची उपस्थिती होती.उद्घाटनवेळी बोलतांना अमरावती परिक्षेत्राचे पोलीस महानिरीक्षक नाईकनवरे म्हणाले की मारेगावचे पेट्रोलपंप चालवितांना पारदर्शकता राहील.पेट्रोलपंपची उपलब्धताच पोलीस व भारत पेट्रोलपंप सहकार्यातून उभारण्यात आली.
पोलिस वेलफेअर कडून 24 तास चालणाऱ्या पेट्रोल डिझेल पंप व यातून मिळणाऱ्या उत्पादनातून पोलिस वेलफेअरच्या कर्मचाऱ्यांना मदत मिळेल.यावेळी आमदार बोदकूरवार यांनी पोलीस विभागाने गाळेचा प्रश्न मार्गी लावून तालुक्यांतील बेरोजगार यांना रोजगार उपलब्ध करून देण्याची भूमिका मांडली असुन कार्यक्रमाचे प्रस्तावित गजेंद्र कुशवाह ,सूत्रसंचालन प्रदीप बोरकुटे यांनी केले तर ठाणेदार राजेश पुरी यांनी आभार मानले.यावेळी तालुक्यातील नागरिक मोठ्या संख्येने उपस्थित होते.
