चोरीतील आरोपीना तात्काळ अटक करण्याची केली मागणी.
विदर्भ एस पि न्युज नेटवर्क: मारेगाव,
मारेगाव येथे पोळ्याच्या दुसऱ्या दिवशी दिनांक 14 सप्टेंबर 2023 ला मारेगाव शहरातील माधव नगरी येथे चोरट्यानी 17 घरे फोडली होती.सदर प्रकरणाला 15 दिवस उलटून गेले तरी अजून एकाही चोरट्याला अटक झालेली नाही.त्यामुळे या माधव नगरातील आणि शहरातील रहिवासी नागरिकांनी मारेगाव पोलीस स्टेशनचे ठाणेदार यांची भेट घेत आरोपीना तात्काळ अटक करण्याची मागणी केली आहे.
मारेगाव येथे दि.14 सप्टेंबर 2023 ला एकाच रात्री तब्बल 17 घरे फोडत धाडसी चोऱ्या झाल्या.ही जिल्ह्याच्या इतिहासातील सर्वात मोठी आणि अद्भुत घटना होती.यात एकट्या माधव नगरातील तब्बल 10 घरे होती. यावेळी नागरिकांनी चोरीची रीतसर तक्रार दाखल केली होती.
परंतु या घटनेला 15 दिवस उलटून सुद्धा अजूनपर्यंत चोरीचा कसलाही मागमूस न लागल्याने माधव नगरातील नागरिकांनी पोलीस स्टेशनवर धडक देत पोलीस निरीक्षक जनार्दन खंडेराव यांची भेट घेत त्यांच्याकडून घटनेच्या प्रगती विषयी माहिती जाणून घेतली.
यावेळी हेमराज गणेश कळंबे,विजय गोविंदा झाडे,सुरेश नानाजी आत्राम,मंगेश मनोहर गवळी,सुंदरलाल दौलत आत्राम,संतोष मुकिंदा ठाकरे,राजु भिमराव कोळेकर,बाबू आनंदराव काकडे,सुनिल रामदास भोयर,राजु तुकाराम डवरे,प्रविण पी बदकी,चंद्रशेखर बोकडे,दिपक नारायण उरकुडे,गणेश हरिभाऊ कनाके यांचे सह अनेक महिला पुरुषांच्या निवेदनात सह्या आहे.व या वेळी माधव नगर परिसरातील अनेक नागरिक उपस्थित होते.
