बस स्थानकाच्या मागणीसाठी दोन तास चक्काजाम.
गजानन आसुटकर मारेगाव :-येथे आज दिनांक 21 मार्च 2023 रोज मंगळवारला दुपारी 1 वाजताच्या सुमारास आंदोलनाला सुरुवात झाली होती.भारतीय कम्युनिस्ट पक्षाच्या वतीने वणी-यवतमाळ राज्य महामार्गावर मारेगाव शहरात सुमारे दोन तास चक्काजाम आंदोलन करण्यात आले.असुन या मोर्चाने रौद्ररूप धारण केल्याने वणी विधानसभा क्षेत्राचे आमदार संजीवरेड्डी बोदकुरवार यांना लगेच मारेगाव येथे मोर्चा स्थळी दाखल व्हावे लागले होते.
मारेगांव येथील बस स्थानका अभावी महिलांची व प्रवाशांची होत असलेली कुचंबणा थांबावी व मारेगाव येथे लवकरात लवकर बस स्थानकाचे काम करण्यात यावे या प्रमुख मागणीसाठी हे चक्काजाम आंदोलन करण्यात आले होते.
मारेगांव हे तालुक्याचे ठिकाण असून येथे गेल्या अनेक वर्षांपासून मारेगाव येथील बस स्थानकाचा प्रश्न प्रलंबित आहे. लोकप्रतिनिधींचे या गंभीर प्रश्नाकडे दुर्लक्ष होत असल्याने भारतीय कम्युनिस्ट पक्ष बसस्थानकाच्या मागणी संदर्भात आक्रमक झाल्याचे चित्र आज दिसून आले.आज दिनांक 21मार्च 2023 रोज मंगळवारला बस स्थानकाच्या मागणीसाठी भारतीय कम्युनिस्ट पक्षाच्या वतीने सुमारे दोन तास वाहतूक अडवून प्रशासनाचे लक्ष केंद्रीत केले.
हे प्रकरण आटोक्याच्या बाहेर जात असल्याचे लक्षात येताच आमदार संजीवरेड्डी बोदकुरवार यांना थेट मारेगाव येथे मोर्चा स्थळी येऊन मध्यस्थी करावी लागली.चक्काजामच्या ठिकाणी पोलिसांचा मोठया प्रमाणात बंदोबस्त होता.यावेळी मारेगाव पोलीस स्टेशनचे ठाणेदार राजेश पुरी,तहसीलदार दीपक पुंडे,भारतीय कम्युनिस्ट पक्षाचे कार्यकर्ते मोठया संख्येने उपस्थित होते.तर बघ्यांची गर्दी मोठ्या प्रमाणात चक्काजाम स्थळी दाखल झाली होती.
