सिंधी (महागांव) येथील घटना.
सुरेश पाचभाई मारेगांव,
मारेगाव : तालुक्यात आत्महत्येचे सत्र सतत सुरू असून ते थांबता थांबत नाही,प्रशासना कडून यावर कुटल्याच उपाय योजना केल्या जात नाही.आज दिनांक 8 जुन 2023 रोज गुरुवारला सकाळच्या सुमारास सिंधी येथील एका शेतकरी पुत्राने आत्महत्या केल्याची घटना उघडकीस आली.
विजय नानाजी खंडाळकर वय सुमारे 40 वर्षे रा.सिंधी (महागांव) असे विषारी कीटकनाशक प्राशन करून आत्महत्या केलेल्या शेतकरी पुत्राचे नाव आहे.त्यांच्या वडिलांच्या नावाने 3 एकर शेती असल्याची माहिती मिळाली आहे.मारेगाव तालुक्यात आत्महत्येचे मालिका कायम सुरूच आहे.
सदर घटना घरच्या सदस्यांच्या लक्षात येताच त्यांनी त्याला लगेच मारेगाव येथील ग्रामीण रुग्णालयात उपचारासाठी दाखल केले पण उपचारादरम्यान त्याचा मृत्यू झाला.विजय यांच्या आत्महत्येचे कारण अस्पष्ट असून,त्याचे पश्चात वडील,पत्नी, एक मुलगा एक मुलगी असा आप्त परिवार आहे.या प्रकरणाचा पुढील तपास मारेगाव पोलीस करत आहे.
