– करणवाडी बस स्टॉप जवळील घटना
विदर्भ एस पि न्युज नेटवर्क:- मारेगांव
मारेगाव येथे काही कामासाठी आलेल्या युवकाचा गावाकडे परत जात असताना मारेगाव-यवतमाळ राज्य महामार्गावर असलेल्या करणवाडी जवळील डिव्हायडरला त्याची दुचाकी धडकली. यात युवक गंभीर जखमी झाल्याची घटना आज दि.10 नोव्हेंबर 2023 रोज शुक्रवारला सायंकाळी 5 वाजताच्या सुमारास घडली.या अपघातात जखमी झालेल्या युवकाचे नाव विलास विठ्ठल बुरान वय सुमारे 28 वर्षे असे असून तो तालुक्यातील घोडदरा येथील रहिवासी आहे.
सविस्तर वृत्त असे की..
विलास बुरान हा काही कामानिमित्त मारेगाव येथे आला होता. मारेगांव येथील काम आटोपूण तो आपल्या गावाला
घोडदरा येथे परत जात असताना त्याच्या दुचाकीने डिव्हायडरला जबर धडक दिली.यात तो गंभीर जखमी झाला.अपघात होताच रस्त्यांनी ये-जा करणाऱ्या नागरिकांनी व स्थानिकांनी लगेच घटनेची माहिती मारेगाव पोलिसांना दिली.
त्याला मारेगाव येथील ग्रामीण रुग्णालयात उपचारासाठी दाखल केले.त्याची प्रकृती गंभीर असल्याने येथील डॉक्टरांनी प्राथमिक उपचार करून त्याना पुढील उपचारासाठी चंद्रपूर येथे रेफर केल्याची माहिती आहे.या प्रकरणाचा पुढील तपास मारेगाव पोलीस करत आहे.
