सुरेश पाचभाई मारेगाव,
आदर्श कला उच्च माध्यमिक विद्यालय मार्डी येथील बारावीच्या विद्यार्थ्यांना निरोप देण्यात आला.यावेळी घेण्यात आलेल्या कार्यक्रमाचे अध्यक्ष आदर्श कॉलेजचे मुख्याध्यापक तथा प्राचार्य रमेश ढुमणे, प्रमुख मार्गदर्शक म्हणून माजी मुख्याध्यापक भास्कर धानफुले,सरपंच रविराज चंदनखेडे,प्रमुख पाहुणे डॉक्टर प्रशांत पाटील प्रा. सुरेश नाखले प्रा. भास्कर राऊत उपस्थित होते.
बारावीच्या विद्यार्थ्यांनी बारावीच्या बोर्डाच्या परीक्षेमध्ये चांगले यश मिळावे यासाठी मान्यवरांनी,प्रमुख पाहुण्यांनी,मार्गदर्शक यांनी मार्गदर्शन केले.तसेच विद्यार्थ्यांमधून मीनल मांढरे, मीनाली इरदंडे, प्रतीक्षा झाडे, सुहानी मांढरे, अनुश्री शिवरकर, वृषाली निवल,चंद्रकांत वानखडे, विशाल मटे,कुशल ढुमणे,गोपाल मोरे,जया नान्हे, रमजान पठाण,कार्तिक कळस्कर,अभिजीत चौधरी, गायत्री इरदंडे,समीक्षा कुमरे,कोमल सालुरकर,सुलोचना मेश्राम,आरती देवाळकर याही विद्यार्थ्यांनी आपले मनोगत व्यक्त केले.
यावेळी विद्यार्थी आपले मनोगत व्यक्त करीत असतांना अनेकांनी अश्रुना मोकळी वाट करून दिली. कार्यक्रमाचे सूत्रसंचालन गीतांजली कुमरे, प्रास्ताविक आचल लिहीतकर तर आभार श्रुती हिने मानले. कार्यक्रमाला वर्ग 11 व 12 वीचे सर्व विद्यार्थी उपस्थित होते.