मारेगांव तालुका प्रतिनिधी:- सुरेश पाचभाई
[9922862184]
BCI कॉटन कनेक्ट विकासगंगा समजसेवी संस्था घाटंजी, यवतमाळ यांच्या संयुक्त विद्यमाने जैविक निविष्ठा उत्पादन केंद्र महिला उद्योजक सौ. मनीषा बंडुजी कोसरे यांचे घरी जैविक निविष्ठा उत्पादन केंद्राचे उदघाटन सौ. प्रेमीला मोरेश्वर ढवस BCI महिला शेतकरी यांचे हस्ते करण्यात आले.
मारेगाव तालुक्यामध्ये कु. स्नेहल पिदूरकर [पी. यु. मॅनेजर यांच्या] मार्गदर्शनाखाली राबविण्यात येणारा उत्तम कापूस प्रकल्प यात जैवविविधताचे संवर्धन करते. एकात्मिक कीड व्यवस्थापनाला चालना देणे, शेतकऱ्यांचा रासायनिक कीटकनाशकावर होणारा आर्थिक खर्च कमी करणे, यासाठी गावांमध्ये जैविक निविष्ठा उत्पादन केंद्राची स्थापना करण्यात आली.
हरिदास पवार, कृषिसाहाय्यक यांनी जैविक निविष्ठा उत्पादन केंद्र यांचे महत्व, निंबोळी अर्क, दशपर्णी अर्क, लमीत अर्क,जीवामृत, बिजामृत यांचे फायदे उपस्थित जनतेला पटवून दिले.मनोज भगत व कु. धनश्री थापडे क्षेत्रप्रवर्तक यांनी कार्यक्रमाचे संचालन केले. कार्यक्रमाचे प्रास्ताविक नितीन वाढई क्षेत्रप्रवर्तक यांनी तर आभारप्रदर्शन कु. पूजा ठेंगणे क्षेत्रप्रवर्तक यांनी मानले. या कार्यक्रमाला गावातील BCI पुरुष व महिला उपस्थित होत्या.
