मार्थाजून येथील रेशन दुकानतून मिळाल्या फाटक्या साड्या
उपसंपादक झरी (जामनी) ज्ञानेश्वर आवारी
झरी जामणी राज्यातील अंत्योदय रेशन कार्ड धारक कुंटुबाना राज्य सरकारने दरवर्षी एक साडी मोफत देण्याचा निर्णय घेतला आहे.या नुसार कुटुंबांतील महिलांना आज तालुक्यात अनेक ठिकाणी साड्या चा वाटप करण्यात आला आहे.परंतु मार्थाजून दुकानातून लाभार्थ्यांना वाटप करण्यात आलेल्या साड्या फाटक्या निघाल्या असून लाभार्थ्यानी रोष व्यक्त आहे.
शासनानेनिश्चित केलेल्या सणाच्या वेळी दरवर्षी एक साडी लाभार्थ्यांना देण्यात येणार आहे .सहकार पणन आणि वस्त्र उद्योग यांनी जारी केलेल्या निर्णयानुसार राज्यातील अंत्योदय रेशन कार्डधारक कुटुंबांना या योजनेचा लाभ घेता येतो.राज्य यंत्रमाग मंडळ ही योजना राबवत असून २०२३ -२४ या वर्षा करिता महामंडळाने ही साडी ३५५ रुपयात खरेदी केली आहे.उत्पादन,वाहतूक,जाहिरात प्रसिद्ध,साठवणूक , हमाली येणारा खर्च महामंडळाला शासनाकडून देण्यात येणार आहे.
नुकताच या योजनेचा शुभारंभ करण्यात आला आहे.मार्थाजून येथील रेशन दुकातून लाभार्थी साधना चंदू कुडमेथे या महिलेला मिळालेली साडी फाटकी निघाल्याची माहिती मनसे तालुका उपाध्यक्ष काशीनाथ कुमरे यांच्या कडून मिळाली आहे.
ही योजना पाच वर्षा करिता आहे.मात्र सुरूवातीला शासन ३५५ रूपये खर्च करून डॅमेज साड्या वाटप करत आहे.गरिबांच्या नावाने योजनांचा मोठा गाजावाजा केला जात असतांना मात्र फाटकी वस्त्रे देवून शासन गरिबांची थट्टा तर करत नाही ना? असा सवाल जनसामान्यां कडून विचारला जात आहे.
