ज्ञानेश्वर आवारी :- उपसंपादक
विदर्भ एस.पी.न्यूज नेटवर्क झरी (जामणी)
झरी जामणी :- शासकीय कामात अडथळा करून शासनाचे आदेशाचे उल्लंघन केल्याने आरोपी नामे अरुण मारोती येवले रा.अडेगाव ता.झरी जामणी जि.यवतमाळ यास एक महीना साधा कारावास व सहाशे रुपये दंडाची शिक्षा प्रथम वर्ग न्यायदंडाधिकारी बी.एस.वाढई यांनी दी. १५/०३/२०२४ रोजी सुनावली आहे.
सविस्तर वृत्त असे कि.
दि.०९.१०.२०१८ रोजी न्यायालयातील बेलीफ हा वि.न्यायालयाच्या आदेशानुसार मौजा अडेगाव ता.झरी जि यवतमाळ येथील वार्ड क्र.४ मधील घर क्र.३ या आरोपीच्या घराचा ताबा नि.धनको यास देण्याकरिता पोलीस स्टेशन मुकुटबन येथील पोलीस कर्मचारी, अडेगाव येथील सरपंच व पोलीस पाटीलसह अडेगाव येथे जावुन ताबा कारवाई करीत असताना आरोपीस तोंडी समज दिल्यानंतर सुद्धा आरोपीने तुमच्याने जे होते ते करून घ्या मी ताबा देत नाही असे म्हणत शासकीय कामात अडथळा निर्माण करुन शासनाचे आदेशाचे उल्लंघन केले.
वरुन सदर घटनेची तक्रार न्यायालयीन बेलीफ यांनी पोलीस स्टेशन मुकुटबन येथे दिली वरुन पोलिसांनी आरोपी विरुद्ध भादवि चे कलम ३४१,१८६,१८८ अंतर्गत गुन्हा नोंद केला व सदर गुन्ह्याचा तपास पोलीस जमादार अशोक नैताम यांनी करुन प्रकरण न्यायप्रविष्ट केले प्रकरणात सरकारी पक्षाचे वतीने फिर्यादी यांचेसह आठ साक्षदारांचे बयाण नोंदविण्यात आले बयाण ग्राह्य धरुन न्यायालयाने आरोपी यास वरील प्रमाणे शिक्षा सुनावली आहे.यात सरकारी पक्षाचे वतीने सहाय्यक सरकारी वकील पी.डी.कपुर, ठाणेदार संतोष मनवर यांचे मार्गदर्शनाखाली कोर्ट पैरवी ए.एस.आय मारोती टोंगे व नापोका संतोष मडावी यांनी काम पाहिले.