महसूल विभागाची धडाकेबाज कारवाई
सुरेश पाचभाई मारेगाव,
मारेगाव तालुक्यातील नदी,नाल्यांतून रेतीची अवैध वाहतूक मोठ्या प्रमाणात केली जात आहे.त्यातच महसूल प्रशासन ॲक्शन मोडवर असल्याने या रेती तस्कराविरूध्द तहसीलदार ऊत्तम निलावाड यांच्या मार्गदर्शनाखाली नेमलेल्या महसूल पथकाने रेती तस्करावर कारवाईचा सपाटा लावला आहे.
या आधी अनेक ट्रॅक्टर, ट्रक,जेसीबी जप्त करून गुन्हा दाखल केल्यानंतर हे मुजोर रेती तस्कर मानायला तयार नाही. अशातच दोन ट्रॅक्टरवर आज सकाळी 6 वाजताच्या सुमारास कारवाई करण्यात आली. मारेगाव तालुक्यातील हिवरा – मजरा ते मार्डी रस्त्याने विना परवाना अवैध वाहतुक करतांना 2 ट्रॅक्टर ताब्यात घेण्यात आले असुन वाहन चालकांनी वाहन सोडून पोबारा केला आहे. सदरची कारवाई उत्तम निलावाड तहसीलदार मारेगांव,तलाठी विवेश सोयाम,शनी कुडमेथे,विकास मडावी यांनी आज दिनांक 21 ऑगस्ट 2024 रोज बुधवारला सकाळी 6 वाजताच्या सुमारास केली.
मार्डी परिसरामधील रात्रीच्या काळोख्या अंधाराचा फायदा हे रेतीतस्कर मोठ्या प्रमाणावर घेऊन रेती चोरून नेली जात होती.अशातच काल रात्री पासुन पथक पत्त्यावर असताना सकाळच्या सुमारास 2 ट्रॅक्टर सह ट्राली संशयास्पद अवैद्य वाहतूक करताना आढळून आला. अशी माहिती पथकाने दिली.
दोन्ही ट्रॅक्टर ताब्यात घेऊन दंडात्मक कारवाई साठी मारेगाव तहसील कार्यालयाला आणण्यात आले .त्यामुळे मारेगाव महसूल विभागांच्या सततच्या कारवायामुळे रेती तस्करांमध्ये चांगलीच दहशत पसरल्याचे चित्र आहे.