सुरेश पाचभाई मारेगाव
मारेगाव येथील पोलीस स्टेशनला महिला चालक म्हणून अंकिता लक्ष्मण वडे,अंबिकानगर,यवतमाळ यांची पोलीस महिला चालक म्हणून प्रथमच नियुक्ती झाली आहे.अत्यंत गरीब आणि हलाखीच्या परिस्थितीमध्ये जीवन जगणाऱ्या अंकिताचे वडील भाजीपाला व्यवसाय करतात. 2023 ला खंडाळा येथे ट्रेनिंग करून 23 ऑगस्ट 2024 ला प्रथमच त्यांना मारेगाव पोलीस स्टेशन मिळाले आहे.
त्यांनी बारावी सायन्स मुकुंद पवार कॉलेज धामणगाव येथे झाली.फर्स्ट इयर अमलोकचंद कॉलेज यवतमाळ येथे केले असुन त्यांचे अभ्यासाकडे दुर्लक्ष झाले.
त्यांच्या परिवारात आई – वडील,दोन बहिणी एक भाऊ आहे.कठीण परिस्थितीमध्ये ही ज्या क्षेत्राकडे महिला वळू पाहत नाहीत किंवा त्या पद्धतीने त्यासाठी धाडस लागते. त्या क्षेत्रामध्ये येऊन त्या जिगरबाजपणे आपले कर्तव्य पार पडत आहेत.त्यांच्या त्या कर्तव्याला आमच्यातर्फे सलाम.
