खडकी बस स्थानक जवळील घटना.
सुरेश पाचभाई मारेगांव,
मारेगाव ते करंजी राज्य महामार्गावर खडकी बस स्थानक जवळ अज्ञात वाहनाच्या धडकेत दुचाकीस्वार गंभीर जखमी झाल्याची घटना आज दिनांक 30 मे 2023 रोज मंगळवारला सायंकाळी 7 वाजताच्या सुमारास घडली.
सुरेश हरबा टेकाम वय सुमारे 35 वर्षे रा.वागदरा (वसंत नगर) ता.मारेगांव जि.यवतमाळ असे अपघातात गंभीर जखमी झालेल्या व्यक्तीचे नाव असुन तो आज MH 29 BN2098 फॅशन प्रो दुचाकीने काही कामानिमित्त मारेगांव येथे आले होते.मारेगांव येथील काम आटोपून आपल्या गावाकडे वागदरा (वसंत नगर)येथे जात होते.
दरम्यान मारेगांव ते करंजी राज्य महामार्गावर खडकी बस स्थानक जवळ अज्ञात वाहनाने दुचाकीस्वाराला जबर धडक दिली व पसार झाला.अपघात होताच रस्त्यांनी ये-जा करणाऱ्या नागरिकांनी व स्थानिकांनी लगेच मारेगांव पोलिसांना घटनेची माहिती दिली.
व त्यांना लगेच मारेगांव येथेल ग्रामीण रुग्णालयात उपचारासाठी दाखल केले.त्याची प्रकृती गंभीर असल्याने डॉक्टरांनी प्राथमिक उपचार करून त्याला पुढील उपचारासाठी चंद्रपूर येथे रेफर केल्याची केल्याची माहिती आहे.या प्रकरणाचा पुढील तपास मारेगाव पोलीस करत आहे.
