मारेगांव येथील इंडियन पेट्रोल पंप जवळील घटना.
गजानन आसुटकर मारेगांव
मारेगाव ते वणी राज्य महामार्गावर इंडियन पेट्रोल पंप जवळ अज्ञात वाहनाच्या धडकेत दुचाकीस्वार गंभीर जखमी झाल्याची घटना आज दिनांक 10 एप्रिल 2023 रोज सोमवारला सायंकाळी 7 वाजताच्या सुमारास घडली.
बाबाराव रघुनाथ सुर रा.वणी वय अंदाजे 49 वर्षे असे अपघातात गंभीर जखमी झालेल्या व्यक्तीचे नाव असुन ते आधी कोलगांव ता.मारेगांव जि.यवतमाळ येथील रहिवासी होते.आता सध्या ते वणी येथील रहिवासी असुन आज ते दुचाकीने काही कामानिमित्त मारेगांव येथे आले होते.मारेगांव येथील काम आटोपून आपल्या गावाकडे वणी येथे जात होते. दरम्यान मारेगांव ते वणी राज्य महामार्गावर इंडियन पेट्रोल पंप जवळ जवळ अज्ञात वाहनाने दुचाकीस्वाराला जबर धडक दिली व पसार झाला.
अपघात होताच रस्त्यांनी ये-जा करणाऱ्या नागरिकांनी व स्थानिकांनी लगेच मारेगांव पोलिसांना घटनेची माहिती दिली.व त्यांना लगेच मारेगांव येथेल ग्रामीण रुग्णालयात उपचारासाठी दाखल केले. प्रकृती गंभीर असल्याने डॉक्टरांनी प्राथमिक उपचार करून पुढील उपचारासाठी चंद्रपूर येथे रेफर केल्याची केल्याची माहिती आहे.या प्रकरणाचा पुढील तपास मारेगाव पोलीस करत आहे.
