ज्ञानेश्वर आवारी झरी जामणी
झरी जामणी दि. १ मे महाराष्ट्र दिनानिमित्त झरी तालुका पत्रकार संघटनेच्या वतीने भव्य नृत्य स्पर्धा राजीव विद्यालय झरी च्या पटांगनात उत्साह, जल्लोष आणि रंगतदार वातावरणात पार पडली. दरवर्षीप्रमाणे यंदाही या स्पर्धेला नागरिकांचा, विशेषतः महिला वर्गाचा, मोठ्या प्रमाणावर उत्स्फूर्त प्रतिसाद लाभला. संपूर्ण परिसर एकप्रकारे सांस्कृतिक उत्सवात रंगून गेला होता.
कार्यक्रमाचे उद्घाटन आशिषभाऊ खुलसंगे यांच्या हस्ते झाले. यावेळी प्रमुख पाहुणे प्रकाशभभाऊ म्याकलवार, राम आईटवार, प्रकाशभाऊ कासावार यांच्यासह इतर मान्यवरांची उपस्थिती लाभली.स्पर्धकांनी सादर केलेल्या विविध नृत्यप्रकारांनी प्रेक्षकांना अक्षरशः मंत्रमुग्ध केले. प्रत्येक सादरीकरणाला जोरदार टाळ्यांचा कडकडाट मिळत होता.
स्पर्धेतील विजेते पुढीलप्रमाणे —
प्रथम क्रमांक : जय कैतवास
द्वितीय क्रमांक : मंगेश चाटाळे
तृतीय क्रमांक : सूरज भरस्कर,संयुक्ता ढवळे,
मिताली पांडे,,लावण्या आगलावे
दिव्या मोहोड,
भाग्यश्री झाडे,
जीविका चौधरी यांना क्रमश: नऊ परितोषिक मिळाले आहे.
स्पर्धेचे उत्कृष्ट नियोजन अध्यक्ष संजय निंदेकार, उपाध्यक्ष बंडूभाऊ सोयाम, सचिव ज्ञानेश्वर आवारी, निलेश भोयर, विठ्ठल पाईलवर, रमेश अंगलवार, विजय मेंगणवार, नागेश अक्केवार, संजय आकिंनवार, रफिक कनोजे सर्व सदस्यांनी अत्यंत काटेकोरपणे केले. कार्यक्रमाचे सूत्रसंचालन विनोद मडावी यांनी प्रभावी व रंगतदार शैलीत पार पाडले.सुयोग्य नियोजन, शिस्तबद्ध आयोजन आणि स्पर्धकांचा उत्साह यामुळे हा कार्यक्रम अत्यंत यशस्वी ठरला.