ब्रेकिंग न्यूज
⚡ Pandharpur: ‘5 मिनिटं थांबलो असतो तर माझाही जीव…’ विहीर दुर्घटनेतून कसा वाचला 16 वर्षांचा शुभम, सांगितला… ✦ ⚡ दिवाळीला मुलगी घरी आलेली, आईच्या फोनवर व्हिडिओ कॉल, पण संशय बळावला अन् अनर्थ टळला, नाशिकात खळबळ ✦ ⚡ पारंपरिक शेतीची वाट सोडली, बोर लागवडीचा केला यशस्वी प्रयोग, वर्षाला निव्वळ 6 लाख नफा, Video ✦ ⚡ News18 Marathi Headlines | 16 NOV | 9 AM | Maharashtra Politics | Fadnavis |Shinde | NCP| FDA ✦ ⚡ IND vs PAK : 1 बॉल 3 रन… टीम इंडियाने शेवटच्या बॉलवर नांग्या ठेचल्या; पाकिस्तानच्या पब्लिकचा रस्त्यावर हा… ✦ ⚡ देवदर्शनासाठी गेलं कुटुंब, घरी कोणीही नसल्याची साधली संधी, नाशिकमध्ये 12 लाखांची चोरी ✦ ⚡ मारेगाव तालुक्यात २ कोटी २२ लाखांच्या विकासकामांचा धडाका! ✦ ⚡ मारेगाव जिल्हा मध्यवर्ती बँकेत लक्ष्मीपूजन; नवनिर्वाचित संचालिका किरणताई देरकर यांचा सन्मान ✦ ⚡ IND vs NZ 5th ODI : टीम इंडिया 34-3… न्यूझीलंडमध्ये ROKO चा ‘एन्ड गेम’, ज्याची भीती होती तेच झालं! गंभीरन… ✦ ⚡ Pune Amit Shah: पुणेकरांनो लक्ष द्या! अमित शहांच्या दौऱ्यानिमित्त पुढील 2 दिवस वाहतुकीत मोठे बदल, कोणते मार…
SP News Maregaon

‘मिशन आयएएस’ आदर्श पिढी घडवत आहे – विकास खारगे:अमरावतीच्या संस्कार शिबिराच्या समारोपात कौतुक

1 View
🔊
बातमी ऐका (Marathi Voice Reader)


‘मिशन आयएएस’ संस्था उद्याची आदर्श पिढी घडवण्याचे पवित्र कार्य करत आहे, असे प्रतिपादन महसूल विभागाचे अप्पर मुख्य सचिव विकास खारगे यांनी केले. ज्या विद्यार्थ्यांना समाजाची सेवा करायची आहे आणि लोककल्याणकारी योजना राबवायच्या आहेत, त्यांनी प्रशासकीय सेवेत दाखल होऊन देशाची सेवा करावी, असे आवाहन त्यांनी केले. वलगाव येथील सिकची रिसॉर्ट येथे प्रेमकिशोर सिकची चॅरिटेबल ट्रस्ट आणि त्रिवेणी फाउंडेशन यांच्या सहकार्याने आयोजित सात दिवसीय संस्कार शिबिराच्या समारोप प्रसंगी ते बोलत होते. या शिबिरात राज्यभरातील शेकडो विद्यार्थ्यांनी, पालकांनी, शिक्षकांनी, अधिकारी आणि उद्योजकांनी उत्स्फूर्त सहभाग घेतला. गेल्या पंचवीस वर्षांपासून ‘मिशन आयएएस’चे संचालक प्रा. डॉ. नरेशचंद्र काठोळे, त्यांच्या पत्नी विद्याताई काठोळे आणि कन्या प्रा. पल्लवी येरूळकर हे अत्यंत निष्ठेने हे कार्य अविरतपणे करत आहेत. त्यांच्या या समर्पित कार्याची दखल घेऊन विकास खारगे यांनी कौतुक केले आणि स्वतःच्या हस्ते काठोळे कुटुंबीयांचा सत्कार केला. महाराष्ट्राला आज खऱ्या अर्थाने काठोळे यांच्यासारख्या शैक्षणिक कार्याची गरज असल्याचे मतही त्यांनी व्यक्त केले. यावेळी विकास खारगे यांचे वडील शंकरराव खारगे यांना ‘जीवन गौरव पुरस्कार’ देऊन सन्मानपत्र व स्मृतिचिन्ह प्रदान करण्यात आले. तसेच, अप्पर मुख्य सचिव विकास खारगे यांचाही शाल व स्मृतिचिन्ह देऊन सत्कार करण्यात आला. याप्रसंगी जिल्हाधिकारी आशिष येरेकर, प्राचार्य देवेंद्र खडसे, शारदाताई इटणकर, उद्योजक चंद्रशेखर मुरादे, उपायुक्त मेहबूब कासार यांच्यासह अनेक मान्यवर उपस्थित होते. कार्यक्रमाचे प्रास्ताविक सचिन माळकर यांनी केले, संचालन प्रा. डॉ. नरेशचंद्र काठोळे यांनी केले, तर आभार चंद्रशेखर मुरादे यांनी मानले. या समारंभात प्रा. डॉ. नरेशचंद्र काठोळे लिखित ‘दीपस्तंभ’ या पुस्तकाचे विमोचनही करण्यात आले. शिबिरात सहभागी झालेल्या विद्यार्थ्यांना मान्यवरांच्या हस्ते प्रमाणपत्रे प्रदान करण्यात आली. सहभागी विद्यार्थी आणि पालकांनी आपल्या मनोगतातून असे संस्कार शिबीर यापूर्वी कधीही अनुभवले नसल्याचे सांगितले.

ही बातमी शेअर करा
विदर्भ एस.पी. न्यूज नेटवर्क, मारेगाव विदर्भातील घडामोडींपासून राज्य, देश आणि जगभरातील ताज्या, अचूक व विश्वासार्ह बातम्या सर्वात आधी आपल्या भेटीला. ब्रेकिंग न्यूज, राजकारण, गुन्हे, सामाजिक, कृषी, शिक्षण, क्रीडा, मनोरंजन आणि विशेष रिपोर्ट्स एका क्लिकवर. सत्याला आवाज देणारे, जनतेचा विश्वास जपणारे आपले हक्काचे न्यूज पोर्टल – विदर्भ एस.पी. न्यूज नेटवर्क मारेगाव.
प्रतिक्रिया द्या
⚡ मारेगाव फ्लॅश व्हिडिओ पहा
↓ रिफ्रेश करण्यासाठी खाली ओढा
💬 चॅटवर शेअर करा 📢 स्टेटसवर शेअर करा
📱 नेटिव्ह शेअर