ब्रेकिंग न्यूज
⚡ Pandharpur: ‘5 मिनिटं थांबलो असतो तर माझाही जीव…’ विहीर दुर्घटनेतून कसा वाचला 16 वर्षांचा शुभम, सांगितला… ✦ ⚡ दिवाळीला मुलगी घरी आलेली, आईच्या फोनवर व्हिडिओ कॉल, पण संशय बळावला अन् अनर्थ टळला, नाशिकात खळबळ ✦ ⚡ पारंपरिक शेतीची वाट सोडली, बोर लागवडीचा केला यशस्वी प्रयोग, वर्षाला निव्वळ 6 लाख नफा, Video ✦ ⚡ News18 Marathi Headlines | 16 NOV | 9 AM | Maharashtra Politics | Fadnavis |Shinde | NCP| FDA ✦ ⚡ IND vs PAK : 1 बॉल 3 रन… टीम इंडियाने शेवटच्या बॉलवर नांग्या ठेचल्या; पाकिस्तानच्या पब्लिकचा रस्त्यावर हा… ✦ ⚡ देवदर्शनासाठी गेलं कुटुंब, घरी कोणीही नसल्याची साधली संधी, नाशिकमध्ये 12 लाखांची चोरी ✦ ⚡ मारेगाव तालुक्यात २ कोटी २२ लाखांच्या विकासकामांचा धडाका! ✦ ⚡ मारेगाव जिल्हा मध्यवर्ती बँकेत लक्ष्मीपूजन; नवनिर्वाचित संचालिका किरणताई देरकर यांचा सन्मान ✦ ⚡ IND vs NZ 5th ODI : टीम इंडिया 34-3… न्यूझीलंडमध्ये ROKO चा ‘एन्ड गेम’, ज्याची भीती होती तेच झालं! गंभीरन… ✦ ⚡ Pune Amit Shah: पुणेकरांनो लक्ष द्या! अमित शहांच्या दौऱ्यानिमित्त पुढील 2 दिवस वाहतुकीत मोठे बदल, कोणते मार…
SP News Maregaon

वाशिंबा बायपासजवळील राखेमुळे नागरिकांचे आरोग्य आले धोक्यात:महसूल प्रशासनाने कार्यवाही करावी, स्थानिक नागरिकांची मागणी‎

3 Views
🔊
बातमी ऐका (Marathi Voice Reader)


वासिंबा बायपासवर राष्ट्रीय महामार्गावरील वणी रंभापूर उड्डाणपुलाचे काम सध्या युद्धपातळीवर सुरू आहे. मात्र, या पुलाच्या बांधकामासाठी नागपूरवरून थेट आणण्यात आलेली राख (फ्लाय ॲश) बोरगाव मंजू येथील वासिंबा बायपास आणि एमआयडीसी जवळील मोठ्या पुलाच्या परिसरात मोठ्या प्रमाणात साठवून ठेवण्यात आली आहे. ही उघड्यावर साठवलेली राख आता परिसरातील नागरिकांच्या आणि वाहनधारकांच्या जीवावर उठली आहे.सध्या सुरू असलेल्या रखरखत्या उन्हात जोरदार हवा सुटल्यामुळे ही राख हवेत मोठ्या प्रमाणावर उडत आहे. याचा सर्वाधिक फटका राष्ट्रीय महामार्गावरून जाणाऱ्या दुचाकीस्वारांना आणि पादचाऱ्यांना बसत आहे.दुचाकी चालवताना अचानक डोळ्यांत राख गेल्यामुळे केव्हाही मोठा अपघात होऊन जीवितहानी होण्याची दाट शक्यता निर्माण झाली आहे. या राखेच्या प्रदूषणामुळे केवळ वाहनधारकच नव्हे, तर बायपासला लागून असलेल्या संपूर्ण रेणुका नगरातील रहिवासी कमालीचे त्रस्त झाले आहेत. एकीकडे शासन स्वच्छ व सुरक्षित जीवनाचा दावा करत असताना, दुसरीकडे मात्र या प्रदूषणामुळे बोरगाव मंजूतील जीवनमान धोक्यात आले आहे. प्रदूषण नियंत्रण मंडळ, स्थानिक महसूल प्रशासन, तहसीलदार आणि जिल्हाधिकाऱ्यांनी या गंभीर समस्येकडे त्वरित लक्ष देऊन या राखेवर प्रतिबंधात्मक उपाययोजना कराव्यात, अशी मागणी नागरिकांमधून होत आहे. संबंधित विभागाने ही साठवलेली राख तातडीने उचलून न नेल्यास, त्रस्त नागरिक जिल्हाधिकारी कार्यालयासमोर तीव्र उपोषण करतील, असा इशारा बोरगाव मंजू येथील संतप्त जनतेने दिला आहे. नागरिकांना जडताहेत श्वसनाचे गंभीर आजार हवा सुटताच ही बारीक राख लोकांच्या घरांमध्ये शिरत असून, थेट खाण्यापिण्याच्या पदार्थांमध्ये आणि पिण्याच्या पाण्यात जात आहे. यामुळे लहान मुलांच्या नाकात व घशात राख गेल्याने त्यांना श्वसनाचे गंभीर आजार जडत आहेत. शेतात काम करणारे मजूर, स्थानिक हॉटेल्सच्या किचनमध्येही राखेचे साम्राज्य पसरल्याने सर्वसामान्यांचे जनजीवन पूर्णपणे विस्कळीत झाले आहे.

ही बातमी शेअर करा
विदर्भ एस.पी. न्यूज नेटवर्क, मारेगाव विदर्भातील घडामोडींपासून राज्य, देश आणि जगभरातील ताज्या, अचूक व विश्वासार्ह बातम्या सर्वात आधी आपल्या भेटीला. ब्रेकिंग न्यूज, राजकारण, गुन्हे, सामाजिक, कृषी, शिक्षण, क्रीडा, मनोरंजन आणि विशेष रिपोर्ट्स एका क्लिकवर. सत्याला आवाज देणारे, जनतेचा विश्वास जपणारे आपले हक्काचे न्यूज पोर्टल – विदर्भ एस.पी. न्यूज नेटवर्क मारेगाव.
प्रतिक्रिया द्या
⚡ मारेगाव फ्लॅश व्हिडिओ पहा
↓ रिफ्रेश करण्यासाठी खाली ओढा
💬 चॅटवर शेअर करा 📢 स्टेटसवर शेअर करा
📱 नेटिव्ह शेअर