बातमी ऐका (Marathi Voice Reader)
नवी मुंबईतील एका सरकारी अंगणवाडीत लहान मुलीला निर्दयीपणे मारहाण केल्याचा एक धक्कादायक व्हिडिओ सोशल मीडियावर व्हायरल झाला होता. या व्हिडिओतील मारहाण अंगणवाडी कर्मचाऱ्याने केल्याचा दावा केला जात होता. मात्र, पोलिसांनी केलेल्या तपासात एक वेगळेच आणि धक्कादायक सत्य समोर आले आहे. या चिमुरडीला अंगणवाडी कर्मचाऱ्याने नाही, तर तिच्या सख्ख्या आईनेच मारहाण केल्याचे निष्पन्न झाले आहे. भविष्यात अशा प्रकारे मुलीला मारहाण करू नये, अशी सक्त ताकीद पालकांना पोलिसांनी दिली. नेमके काय आहे व्हायरल व्हिडिओमध्ये? सोशल मीडियावर व्हायरल झालेल्या या व्हिडिओमध्ये, एक महिला एका लहान मुलीला मारहाण करताना आणि लाथ मारताना दिसत होती. या मारहाणीमुळे ती चिमुरडी अंगणवाडीच्या पायरीवरून खाली पडल्याचे स्पष्टपणे दिसत होते. या घटनेमुळे सर्वत्र संताप व्यक्त केला जात होता आणि अंगणवाडी कर्मचाऱ्यांवर कारवाई करण्याची मागणी होत होती. पोलिसांच्या तपासात सत्य आले समोर? या व्हायरल व्हिडिओची तात्काळ दखल घेत पनवेल शहर पोलिसांनी सत्यता पडताळून पाहण्यासाठी तपास सुरू केला. पोलिसांनी पनवेल शहर पोलिस ठाण्याच्या हद्दीतील नांदगाव गावात जाऊन या कुटुंबाचा .अंगणवाडीत शांत बसत नव्हती. त्यामुळे आईला राग आला आणि तिने वैतागून मुलीला मारहाण केली. नेमक्या याच वेळी तिथे उपस्थित असलेल्या एका व्यक्तीने या घटनेचा व्हिडिओ काढला आणि तो चुकीच्या दाव्यासह सोशल मीडियावर पसरवला.
