बातमी ऐका (Marathi Voice Reader)
टीईटी पेपरफुटी प्रकरणावरून आज पावसाळी अधिवेशनाच्या पाचव्या दिवशी महाविकास आघाडीचे आमदार आक्रमक झाले. या गंभीर घोटाळ्याला थेट महायुती सरकारला जबाबदार धरत आज महाविकास आघाडीच्या आमदारांनी विधान भवनाच्या पायऱ्यांवर जोरदार घोषणाबाजी करत आंदोलन केले. “पेपर फुटले भिवंडीला, पैसे गेले मालेगावला…” आणि “शिक्षकांचे नुकसान करणाऱ्या सरकारचा निषेध असो” अशा घोषणा देत विरोधकांनी संपूर्ण परिसर दणाणून सोडला. राज्यातील लाखो तरुण उमेदवारांचे भवितव्य उद्ध्वस्त करणाऱ्या या पेपरफुटीची नैतिक जबाबदारी स्वीकारून शिक्षणमंत्र्यांनी तात्काळ राजीनामा द्यावा, अशी आक्रमक मागणी यावेळी विरोधकांनी केली. सावकाराचे कर्ज फेडण्यासाठी किडनी विकली प्रकरणातील मुख्य सूत्रधार दिवाकर निपुरेला अटक कधी करणार? – वडेट्टीवार सावकारी कर्ज रोशन कुळे प्रकरणातील मुख्य सूत्रधार म्हणून नाव समोर आलेल्या दिवाकर निकुरे याला अद्याप अटक करण्यात आलेली नसल्याबद्दल काँग्रेस विधिमंडळ नेते विजय वडेट्टीवार यांनी सरकारवर गंभीर प्रश्न उपस्थित केले. प्रश्नोत्तरे काळात विधानसभेत बोलताना वडेट्टीवार म्हणाले की, दिवाकर निकुरे या सावकाराने शेतकऱ्यांच्या जमिनी बळकावून सुमारे १३० चेक दिले, मात्र ते सर्व चेक बाऊन्स झाले. एवढ्या मोठ्या प्रमाणात फसवणूक करूनही तो अद्याप फरार असून त्याच्यावर कारवाई का होत नाही, याचे उत्तर सरकारने द्यावे. असे वडेट्टीवार म्हणाले पत्रकारांच्या सुरक्षेवरून विरोधक आक्रमक दरम्यान, अधिवेशनाच्या चौथ्या दिवशी पत्रकारांना झालेल्या कथित धमकी आणि अपशब्दांच्या प्रकरणावरून विरोधकांनी सरकारला धारेवर धरले. लोकशाहीचा चौथा स्तंभ असलेल्या पत्रकारांना अशा प्रकारे धमकावले जात असेल, तर राज्यातील कायदा-सुव्यवस्थेचे काय? असा सवाल विरोधी पक्षांनी उपस्थित केला आहे. विधिमंडळाच्या पावसाळी अधिवेशनाचे अपडेट्स पाहण्यासाठी खालील लाइव्ह ब्लॉगमधून जा…
