ब्रेकिंग न्यूज
⚡ Pune News: दीर अन् सासूच निघाले ‘व्हिलन’; आधी पतीचं निधन, आता शिक्षिकेला लेकीच्या वाढदिवसादिवशी संपवलं, पुण… ✦ ⚡ रेल्वेत सावज हेरायची, प्रसाद म्हणून चिक्की द्यायची अन्… महिलेचं कांड पाहून सगळ्यांना धक्का, सोलापुरात मोठ… ✦ ⚡ मारेगाव–यवतमाळ महामार्गावर अज्ञात वाहनाची रोह्याला धडक! ✦ ⚡ घोडदरा शिवारात वाघाचे पगमार्क; शेतकऱ्यांमध्ये भीतीचे वातावरण! ✦ ⚡ ‘एचआयव्ही’ग्रस्त असल्यानं पत्नी सोडून गेली; पुण्यात चुलत्यानं अल्पवयीन पुतणीवरच केला अत्याचार, जामीन अर्जाव… ✦ ⚡ IND vs NZ : केएल राहुल 5 रनवर असताना मैदानात मोठा ड्रामा… हेन्रीला कॅप्टनने वेड्यात काढलं, पण पुढच्या 2 म… ✦ ⚡ MPSC गट-क परीक्षेसाठी जम्बो भरती, तुम्ही करताय तयारी? अनुभवी विद्यार्थ्यांनी दिले 5 सिक्रेट टिप्स! Video ✦ ⚡ CRIME : ‘आई कुणीतरी मला ब्लॅकमेल करतंय’, हरिश्चंद्रगडाच्या कोकणकड्यावरून 20 वर्षाच्या तरुणाचा संशयास्पद मृत… ✦ ⚡ Chandrapur News : चौकात मानवी कवटी, रुळाजवळ छिन्नविच्छिन्न मृतदेह; चंद्रपुरात खळबळ उडवणाऱ्या घटनेबाबत पोलि… ✦ ⚡ Chandrapur News : चौकात मानवी कवटी, रुळाजवळ छिन्नविच्छिन्न मृतदेह; चंद्रपुरात खळबळ उडवणाऱ्या घटनेबाबत पोलि…
SP News Maregaon

Mumbai Local: ‘ऑक्टोबर हिट’मुळे रेल्वेचा खोळंबा, मुंबईत रुळांच्या प्रसरणाने प्रवाशांचे हाल, काय घडतंय?

10 Views
🔊
बातमी ऐका (Marathi Voice Reader)


मुंबई: ‘ऑक्टोबर हिट’च्या चटक्यांनी महाराष्ट्र हैराण झाला आहे. अशातच वाढत्या उष्णेतेचा परिणाम आता थेट रेल्वे रुळांवर देखील होत आहे. रुळांचे प्रसरण झाल्याच्या घटनेमुळं मध्य रेल्वेने परळ, दिवा आणि दिघा परिसरात आपत्कालीन ब्लॉक घेतला. या ब्लॉकमुळे दुपारच्या सत्रातील लोकल फेऱ्या सुमारे 20 ते 25 मिनिटे उशिराने धावत होत्या. त्यामुळे प्रवाशांचा खोळंबा झाल्याचे आणि लोकलमध्ये प्रवाशांची गर्दी वाढल्याचे चित्र होते.

ऑक्टोबरच्या सुरुवातीलाच उष्णतेची लाट निर्माण झाल्याची स्थिती आहे. वाढत्या तापमानामुळे रेल्वेच्या रुळांचे प्रसरण होते. अशा स्थितीत लोकल रुळांवरून घसरण्याचा धोका निर्माण होतो. रुळांची पाहणी करणाऱ्या ट्रॅकमनकडून याबाबत सूचना मिळाल्यानंतर रेल्वे प्रशासनाकडून आपत्कालीन ब्लॉक घेण्यात येतो आणि देखभाल-दुरुस्तीची कामे केली जातात.

Weather Alert: जाता-जाता झोडपणार, मह्राराष्ट्राच्या हवामानात पुन्हा उलटफेर, आता थेट पावसाचा अलर्ट

मंगळवारी परळ स्थानक परिसरात उष्णतेमुळेच धीम्या रेल्वे मार्गावर ब्लॉक घेण्यात आला. दुपारी 12.30 ते 12.45 आणि 1.05 ते 1.25 या वेळेत घेतलेल्या ब्लॉकचा परिणाम अप आणि डाउन धीम्या मार्गावरील लोकल सेवेवर झाला. त्यामुळे लोकल फेऱ्या सुमारे 20 मिनिटे उशिराने धावत होत्या. तर ट्रान्स हार्बर मार्गावरील दिघा स्थानक परिसरातही डाउन मार्गावर दुपारी 1.38 ते 1.53 या कालावधीत काम करण्यात आले. त्यामुळे मध्य रेल्वेच्या मुख्य मार्गासह ट्रान्स हार्बर मार्गावरील लोकल फेऱ्यांना देखील उशीर झाला.

दरम्यान, वाढत्या उष्णतेनं लोकल उशिरा धावत होत्या. मात्र, मध्य रेल्वे प्रशासनाकडून रेल्वे स्थानक आणि लोकलमध्ये देखील याबाबत पुरेश्या उद्घोषणा होत नव्हत्या. त्यामुळे प्रवाशांच्या त्रासात भर पडली. फलाटावर पोहोचल्यानंतरच प्रवाशांना लोकल उशिराने धावत असल्याचे समजले. लोकलला मोठी गर्दी झाली होती. त्यामुळे ठाणे, मुलुंड, भांडुप, घाटकोपर आणि कुर्ला स्थानकांवरील प्रवाशांना मनस्ताप सहन करावा लागला.

ही बातमी शेअर करा
प्रतिक्रिया द्या
⚡ मारेगाव फ्लॅश व्हिडिओ पहा
↓ रिफ्रेश करण्यासाठी खाली ओढा
💬 चॅटवर शेअर करा 📢 स्टेटसवर शेअर करा
📱 नेटिव्ह शेअर