मारेगांव ते करंजी महामार्गावरील नायरा पेट्रोल पंप जवळील घटणा.
सुरेश पाचभाई मारेगांव पासून सुमारे 1 कि.मी अंतरावर असलेल्या नायरा पेट्रोल पंप जवळील राज्य महामार्गावर भरधाव ट्रॅव्हल्सने दुचाकीला मागुन भिषण धडक दिली असुन या अपघातात दुचाकीस्वार चालक गंभीर जखमी झाला आहे.ही घटना आज दिनांक 17 एप्रिल 2023 रोज सोमवारला सायंकाळी 5 वाजताच्या सुमारास घडली.
भुषन संजय ढेंगळे रा.करणवाडी वय सुमारे 19 वर्षे असे अपघातात गंभीर जखमी झालेल्या तरुणाचे नाव आहे.मारेगाव शहरापासून सुमारे एक की.मी.अतंरावर असलेल्या नायरा पेट्रोल पंप जवळ आज दिनांक 17 एप्रिल 2023 रोज सोमवारला दुपारी 5 वाजताच्या सुमारास हा भीषण अपघात झाला असुन ट्रॅव्हल्स चालकाने घटनास्थळावरून पळ काढला होता पण रस्त्याने ये-जा करणाऱ्या नागरिकांनी ट्रॅव्हल्सचा पाठलाग करून ट्रॅव्हल्स पोलीसांच्या ताब्यात दिली आहे.
या अपघातात दुचाकी चालक भुषण हा गंभीर जखमी झाला असुन ट्रॅव्हल्स क्रमांक [MH-34- BH- 8277 ] ने दुचाकीला मागुन भिषण धडक दिली.अपघात होताच रस्त्यांनी ये-जा करणाऱ्या नागरिकांनी व स्थानिकांनी लगेच मारेगांव पोलिसांना घटनेची माहिती दिली.आणि जखमी तरुणाला मारेगांव येथेल ग्रामीण रुग्णालयात उपचारासाठी दाखल केले.पण तेथील डॉक्टरांनी प्रथम उपचार करून भुषन याला पुढील उपचारासाठी वणी येथे स्थलांतरीत केल्याची माहिती आहे.या प्रकरणाचा पुढील तपास मारेगांव पोलीस करत आहे.
