ढोल ताशांच्या गजरात भव्य रॅली काडण्यात आली.
सुरेश पाचभाई मारेगांव:- तालुक्यातील हिवरी येथे विश्वरत्न महामानव डॉ.बाबासाहेब आंबेडकर यांची जयंती मोठ्या उत्साहात संपन्न झाली.
भारतरत्न डॉ.बाबासाहेब आंबेडकर यांच्या 132 व्या जयंतीनिमित्त हिवरी येथे विविध कार्यक्रमाचे आयोजन करण्यात आले होते.दिनांक 14 एप्रिल 2023 रोज शुक्रवारला डॉ.बाबासाहेबांच्या प्रतिमेला अभिवादन करण्यासाठी मोठ्या संख्येने नागरिकांची उपस्थिती होती.
अनेकांनी भारतरत्न डॉ.बाबासाहेब आंबेडकर यांच्या प्रतिमे समोर मेणबत्ती अगरबत्ती प्रज्वलित करीत पुष्पहार अर्पण करून अभिवादन केले.भीम गीताचा कार्यक्रम झाला व संस्कृतिक कार्यक्रम झाले.भीमगीत अमोल पाझारे आणि विलास हनुमंते यांनी सादर केले.
कार्यक्रमाच्या अध्यक्षस्थानी गावातील सरपंच सौ.इंदिराताई पिदुरकर तर प्रमुख पाहुणे म्हणून गावातील जेष्ठ नागरिक गजानन पा.भगत,ग्रा.उ.अजय राठोड,सदस्य युवराज पा. आस्वले,शाळा समिती अध्यक्ष ईश्वर पा.थेरे आणि विजय पा. पाझारे व गावातील नागरिक मोठ्या संख्येने उपस्थित होते.या कार्यक्रमाचे सूत्रसंचालन विनोद भागवत यांनी केले.
तर आभार प्रदर्शन हंसराज झाडे यांनी केले.व त्यानंतर मिरवणुकीचे आयोजन श्रीकांत भगत व मित्र परिवार यांनी केले व मिरवणूक सनई डफर्याच्या गजरात काढण्यात आली.