बोटोणी जवळील घटना.
विदर्भ SP न्युज मारेगांव,✍️
उभ्या असलेल्या ट्रकला समोरून येणाऱ्या भरधाव ट्रकने जोरदार धडक दिली. यात ट्रक चालवणारा चालक जखमी झाला.ही घटना तालुक्यातील बोटोनी येथे दुपारी 3 वाजताच्या दरम्यान घडली.
बोटोणी येथे दुपारच्या सुमारास ट्रक MH.40 CM.0525 हा उभा होता. आणि मारेगाव कडुन येणारा दुसरा ट्रक MH.34 BG.2746 या ट्रकने उभ्या ट्रकला जबर धडक दिली.यात मारेगाव कडून येणाऱ्या ट्रकचा चालक गौरव सिंह हा जखमी झाला.ट्रकची गती जास्त असल्याने चालकाचे ट्रकवरील नियंत्रण सुटून ट्रक दुसऱ्या ट्रकवर जाऊन धडकला.धडक एवढी जबरदस्त होती की ट्रक चक्क रस्त्याच्या कडेला असलेल्या शेतात शिरला.
यामध्ये शेतातील कुंपणाचे सिमेंटचे पोल व तार तुटल्याने शेतकऱ्याचे आर्थिक नुकसानसुद्धा झाल्याची माहिती आहे.जखमी ट्रक चालकाला गावातील काही नागरिकांनी करंजी येथील ग्रामीण रुग्णालयात उपचारासाठी दाखल केल्याची माहिती आहे.या अपघाताचा पुढील तपास मारेगांव पोलीस करत आहे.
